13.01.2026 | 21:39
Երևանում և 8 մարզում էլեկտրաէներգիայի անջատումներ կլինեն
Մի տուն՝ երեք արև․ Վարսենիկը՝ դուստրերի ու կարծրատիպերի մասին․ ՏԵՍԱՆՅՈՒԹ
Հասարակություն
20.07.2023 | 21:35
Սևանա լճի հարավային մասում՝ Ծովակ գյուղում, մեծ ու համերաշխ մի ընտանիքում, ինչպես մայրը՝ Վարսենիկն է բնութագրում` մեծանում են երեք արևներ՝ երեք աղջիկներ։
Տարրական դասարանների ուսուցչուհի Վարսենիկ Բարեղամյանը 11 տարի առաջ է ամուսնացել և Դվինից տեղափոխվել Ծովակ։ Նա սիրով մեզ հյուրընկալում է տանը, որտեղ բնակվում են ամուսնու ծնողների հետ։
Փոքրիկ Արևիկը տնամերձ այգուց 3 ելակ է քաղում ու ասում՝ «Ես եմ, Արփին ու Անին»։ 9-ամյա աղջիկը, որն առանց աչքը թարթելու հավաքում է ռուբիկ-կուբիկն ու այդ ընթացքում հասցնում է որոշ հարցերում օգնել մայրիկին, ավագ դուստրն է։
Արփին՝ տան երկրորդ արևը, 7 տարեկան է։ Նրա ցածր ձայնն ու քնքշությունը, կարծես, հանգստություն ու խաղաղություն են բերում տուն։
3 տարեկան Անին, որի անունը, ի տարբերություն քույրերի, կապ չունի «արև» բառի հետ, նույն կերպ ջերմացնում է տունը։
Գյուղում երեխաների ժամանցի հիմնական վայրն իրենց այգին է։ Բակային խաղերին լրացնելու են գալիս նաև պարի և նկարչության դասերը, որոնց հաճախում են ավագ քույրերը։
Մանրամասները՝ տեսանյութում։
Սեդա Առաքելյան
Նյութը պատրաստվել է ՕքսԵՋեն հիմնադրամի հետ համագործակցությամբ։
