22.11.2024 | 20:00
Վեթինգ՝ ըստ ճաշակի․ ԲԴԽ-ում «թունավոր» պաշտոնավարման հետքերով
Արցախ դեղորայք չի հասնում, ավելացել են հղիների պտղի կորստի դեպքերը․ ԵԱՀԿ-ն քննարկեց ԼՂ հարցը․ Լուրեր
20.07.2023 | 18:40
- Արցախում վերջին մեկ ամսում հղիության վաղ շրջանում պտղի կորուստների ցուցանիշն աճել է գրեթե երեք անգամ։ Այս մասին ասել է Ստեփանակերտի Մոր և մանկան առողջության պահպանման կենտրոնի գործադիր տնօրեն Վարդգես Օսիպովը։ Նա նշել է, որ Արցախում հղի կանայք զուրկ են վիտամիններով հարուստ մթերք ձեռք բերելու հնարավորությունից։
- Դեպի Արցախ դեղորայքի տեղափոխումը խաթարված է, Արցախ դեղորայք չի մատակարարվում։ Այս մասին հայտարարել է առողջապահության նախարար Անահիտ Ավանեսյանը։ Նա նշել է, որ բոլոր պլանային միջամտությունները կասեցված են, բոլոր դեղորայքային ու բժշկական նշանակության ապրանքներն օգտագործվում են միայն անհետաձգելի ու սուր կարիքի դեպքում։
- Հայաստանի պահանջով Վիեննայում այսօր ԵԱՀԿ Մշտական խորհրդի հատուկ նիստ է հրավիրվել: ԵԱՀԿ-ում ԵՄ պատվիրակության մշտական ներկայացուցիչ Ռասա Օսրաուսկայտեն ևս մեկ անգամ հնչեցրել է Բրյուսելի կոչն Ադրբեջանի իշխանություններին՝ ապահովել Լաչինի միջանցքով ազատ տեղաշարժը և նշել է, որ ԵՄ-ն անհանգստացած է ներկայիս սահմանափակումների հետևանքով սննդամթերքի, դեղամիջոցների և առաջին անհրաժեշտության այլ ապրանքների պակասի հետևանքով մարդասիրական ազդեցությունից։ Ադրբեջանի իշխանությունների կողմից ԿԽՄԿ-ի փոխադրումների արգելքը անհանգստացնող է եղել:
Այս ժամի լուրերը՝ տեսանյութում։
