14.09.2026 | 12:57
Ռուսական ավիահարվածի հետևանքով Իզյումում 3 մարդ է վիրավորվել, այդ թվում՝ երկու ամսական երեխա
Վիտալի Բալասանյանին 4 հոդվածով մեղադրանք է առաջադրվել
Քաղաքականություն
19.07.2023 | 15:11
Արցախի հերոս, Արցախի Անվտանգության խորհրդի նախկին քարտուղար Վիտալի Բալասանյանին ԼՂՀ քրեական օրենսգրքի 4 հոդվածով մեղադրանք է առաջադրվել։ Այս մասին Factor.am-ի հետ զրույցում ասաց Բալասանյանի պաշտպան Ռաֆայել Մարտիրոսյանը։
Բալասանյանին մեղադրում են գույքի հափշտակության, ապօրինի կերպով զենք, ռազմամթերք պահելու, թմրանյութ պահելու, իշխանության ներկայացուցչի նկատմամբ կյանքի կամ առողջության համար ոչ վտանգավոր բռնություն գործադրելու հոդվածներով։
Հիշեցնենք, որ հուլիսի 13-ին Բալասանյանի՝ Ասկերանում գտնվող բնակարանում խուզարկություն է իրականացվել, որից հետո նա ձերբակալվել, ապա ազատ է արձակվել։
Վարույթն իրականացնող մարմինը Բալասանյանին կալանավորելու միջնորդություն է ներկայացրել դատարանը, որը, սակայն, չի բավարարվել։
Արաքս Մամուլյան
