15.09.2026 | 10:15
«Պարզ լճի» հարակից անտառում վնասվածք ստացած քաղաքացուն փրկարարները պատգարակով դուրս են բերել
Արցախում վառելիք չկա՝ սնունդը բաշխելու համար․ Մարուքյանը՝ Բաքվի կողմից էթնիկ զտումների մասին․ Լուրեր
19.07.2023 | 15:23
- Արցախի շրջաններում առկա է բավարար քանակի բանջարեղեն, սակայն տրանսպորտի համար վառելիքի պակասի պատճառով խնդիր է դարձել այն սպառողին հասցնելը: Այս մասին հայտնել է Արցախի գյուղնախարար Գեորգի Հայրիյանը։ Նա նշել է, որ եղած վառելիքով առաջնահերթ կազմակերպում են ցորենի բերքահավաքը, որի միջոցով կլուծվի հացի խնդիրը: Միևնույն ժամանակ, շատ ուղղություններ՝ ինչպիսիք օրինակ այգեգործությունն ու մեղվապահությունն են, ուշադրության դուրս են մնացել:
- Արցախի խորհրդարանի նախագահ Արթուր Թովմասյանն ուղերձ է հղել միջազգային հանրությանը և կոչ է արել գործարկել Արցախի միջազգային ճանաչման գործընթացը՝ որպես ցեղասպանության և իր հայրենիքից Արցախի ժողովրդի բռնի տեղահանման կանխարգելման ամենագործուն ուղին:
- Նիկոլ Փաշինյանի հատուկ հանձնարարություններով դեսպան Էդմոն Մարուքյանը հայտարարել է, որ Արցախի շրջափակումով և այլ քայլերով Ադրբեջանը դիմում է միջազգային քրեական հանցագործության՝ բոլորի համար հասկանալի դարձնելով, որ վստահության ամրապնդման միջոցներ չի ձեռնարկում։ Ընդհակառակը, դա ցույց է տալիս, որ ներկայիս քաղաքականությունը միտված է ոչ թե հայ ժողովրդին ինտեգրելուն, այլ Լեռնային Ղարաբաղն էթնիկ զտումների ենթարկելուն, ի վերջո, տիրանալով հողին՝ առանց մարդկանց։
Այս ժամի լուրերը՝ տեսանյութում։
