15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Վիտալի Բալասանյանը չկալանավորվեց․ դատարանը մերժել է միջնորդությունը
Հասարակություն
17.07.2023 | 20:10
Արցախի հերոս, Արցախի Անվտանգության խորհրդի նախկին քարտուղար Վիտալի Բալասանյանը չի կալանավորվի. դատարանը մերժել է նրան կալանավորելու միջնորդությունը: Այս մասին Factor.am-ին ասաց Բալասանյանի պաշտպան Ռաֆայել Մարտիրոսյանը:
Հիշեցնենք, որ դատարանը, ավարտելով Բալասանյանին կալանավորելու միջնորդության քննությունը, այսօր հեռացել էր խորհրդակցական սենյակ` որոշում կայացնելու:
Հուլիսի 13-ին Բալասանյանի` Ասկերանում գտնվող բնակարանում խուզարկություն է իրականացվել, որից հետո Բալասանյանը ձերբակալվել է։ Նրան մեղադրում են խուզարկության ժամանակ իշխանության ներկայացուցչի նկատմամբ ոչ վտանգավոր բռնություն գործադրելու սպառնալիք տալու մեջ։ Փաստաբանը բարձրաձայնել է այն մասին, որ Վիտալի Բալասանյանի մարմնի վրա վնասվածքներ են առկա։
Ձերբակալման ժամկետը լրանալուց հետո Բալասանյանն ազատ էր արձակվել:
Արաքս Մամուլյան
