14.09.2026 | 11:11
Ձախողումներն ակնհայտ են, ակնկալում եմ՝ Աժ նախագահի հրաժարականն այս նստաշրջանի ընթացքում․ Ղազարյան․ ՏԵՍԱՆՅՈՒԹ
Քոչարյանի ամբողջ ընտանիքը ծանուցվել է օգոստոսի 1-ին Դատախազություն ներկայանալու համար
Հասարակություն
16.07.2023 | 14:54
Ռոբերտ Քոչարյանը և նրա ընտանիքի անդամներն արդեն ծանուցվել են ապօրինի ծագում ունեցող գույքի բռնագանձման գործով Դատախազություն ներկայանալու համար։ Factor.am-ը պարզեց, որ Ռոբերտ Քոչարյանը, կինը՝ Բելլա Քոչարյանը, որդին՝ Սեդրակ Քոչարյանը, որդու կինը՝ Զարուհի Բադալյանը, կրտսեր որդին՝ Լևոն Քոչարյանը, կրտսեր որդու կինը՝ Սիրանուշ Քոչարյանը (Սիրուշո), դուստրը՝ Գայանե Քոչարյանը, փեսան՝ Վիգեն Չատինյանը պետք է Դատախազություն ներկայանան օգոստոսի 1-ին։
ՀՀ Գլխավոր դատախազությունը հուլիսի 14-ին էր տեղեկացրել, որ նախնական արդյունքներով՝ ապօրինի են դիտվել և ենթակա են բռնագանձման Քոչարյաններին պատկանող 20 միավոր անշարժ գույք՝ առավելապես Երևանի Կենտրոն վարչական շրջանում գտնվող շենքերում, 2 տրանսպորտային միջոց, մասնակցություն հայաստանյան և արտասահմանյան 18 իրավաբանական անձերում, ավելի քան 1.5 միլիոն ԱՄՆ դոլարի ավանդներ և արժեթղթեր, շուրջ 10 միլիարդ դրամի ֆիզիկական և իրավաբանական անձանց տրամադրված փոխառություններ, շուրջ 22 միլիարդ դրամ, որն իրենից ներկայացնում է ապօրինի ծագում ունեցող դրամական միջոցների մնացորդի, բարեխիղճ երրորդ անձանց փոխանցված միջոցների և այլ ծախսված միջոցների հանրագումար, որը չի նույնականացվել:
Ռոբերտ Քոչարյանը կամ նրա գրասենյակը դեռ որևէ կերպ չեն անդրադարձել ՀՀ Գլխավոր դատախազության տարածած հաղորդագրությանը։
Նարեկ Կիրակոսյան
