06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Սիրիան ՄԱԿ-ին թույլատրել է օգտագործել Թուրքիայի հետ սահմանին գտնվող անցակետը մարդասիրական օգնության առաքման համար
Քաղաքականություն
14.07.2023 | 23:03
Սիրիան թույլատրել է ՄԱԿ-ին և նրա կառույցներին, համաձայնեցնելով սիրիական իշխանությունների հետ, վեց ամսով օգտագործել թուրք-սիրիական սահմանին գտնվող Բաբ ալ-Հավա անցակետը՝ մարդասիրական օգնություն հասցնելու համար, ասված է ՄԱԿ-ի նամակում, գրում է Ինտերֆաքսը։
«Սիրիայի Արաբական Հանրապետության կառավարությունն ինքնիշխան որոշում է կայացրել՝ ՄԱԿ-ին և նրա մասնագիտացված գործակալություններին վեց ամսով թույլտվություն տրամադրել՝ 2023 թվականի հուլիսի 13-ից օգտագործելու Բաբ ալ-Հավա անցակետը հումանիտար օգնություն հասցնելու համար Սիրիայի հյուսիս-արևմուտքում կարիքավոր խաղաղ բնակիչներին՝ Սիրիայի կառավարության հետ լիակատար համագործակցությամբ և համակարգմամբ»,- ասվում է փաստաթղթում։
Սիրիայի մշտական ներկայացուցչի նամակն ուղարկվել է ՄԱԿ-ի Անվտանգության խորհրդի նախագահին՝ անդամ երկրների միջև հետագա բաշխման համար։
Սիրիա մարդասիրական օգնության առաքման անդրսահմանային մեխանիզմը դադարում է գործել այն պատճառով, որ ՄԱԿ-ի Անվտանգության խորհուրդը հուլիսի 11-ին չկարողացավ փոխզիջման հասնել իր աշխատանքի երկարաձգման հարցում. Ռուսաստանը վետո է դրել նոր բանաձևի նախագծի վրա:
ՄԱԿ-ում Ռուսաստանի Դաշնության մշտական ներկայացուցիչ Վասիլի Նեբենզյան, ելույթ ունենալով Անվտանգության խորհրդում քվեարկության արդյունքներով, նշել է, որ մեխանիզմի երկարաձգումը ոչ մի օգուտ չի բերի Սիրիայի ժողովրդին։
Տաթև Ֆռանգյան
