26.06.2026 | 22:15
Forbes. Երեմյան ընկերությունների խմբի 20 տարին, 27 բիզնես ուղղությունն ու մեկ տեսլականը
Գնում ենք ՌԴ խաղաղապահների տեղակայման վայր. Արցախի պետնախարարը ներկայացրեց քայլերի հաջորդականությունը․ ՏԵՍԱՆՅՈՒԹ
Քաղաքականություն
14.07.2023 | 10:59
Արցախում վիճակն օրհասական է, իսկ յուրաքանչյուր վաղվա օրը լինելու է էլ ավելի ծանր ու դժվար։ Այս մասին այսօր Ստեփանակերտում մեկնարկած հանրահավաքի ժամանակ հայտարարեց Արցախի պետական նախարար Գուրգեն Ներսիսյանը։
«Այսօր կան արդեն բազմաթիվ առողջապահական խնդիրներ, բազմաթիվ համայնքներ հաջորդաբար զրկվում են խմելու ջուր ունենալու հնարավորությունից, մայրաքաղաքից հեռու գյուղական համայնքների բնակիչները դարձել են գերիներ ու շատերի հետ միակ կապը հեռախոսազանգն է։
Շուշիի շրջանի գյուղերի բնակիչները դարձել են պատանդ՝ ծայրահեղ բոլոր դրսևորումներով․․․
Մանկապարտեզներում երեխանեը գրեթե չեն սնվում, իսկ հիվանդանոցներում հիվանդներին տրվում է չնչին քանակի սնունդ։ Օրեր անց, նրա խոսքով, չեն աշխատելու շտապօգնության մեքենաները»,- նշեց Ներսիսյանը։
Արցախի պետական նախարարը հարց եմ ուղղեց միջազգային հանրությանը, Հայաստանին ու Ռուսաստանին․ «Ձեզ ի՞նչ է անհրաժեշտ, ինչի՞ն եք սպասում, ուզում եք այս հրապարակում ամեն օր մենք մարդկանց դիակնե՞ր ունենանք, որ արձագանքեք, ուզում եք օրեր առաջ մանկահասակ երկու երեխաների մահվան դեպքի կրկնությո՞ւն, որ խելքի գաք։ Ես ասում եմ՝ բավական է»։
Արցախի պետնախարարը ներկայացրեց արցախցիների հանրահավաքի քայլերի հաջորդականությունը, հայտնելով՝ այժմ երթով գնում ենք ՌԴ խաղաղապահների տեղակայման վայր, Կարմիր խաչի գրասենյակ։
Մանրամասները՝ տեսանյութում։
