27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Լավրովն Ուկրաինային F-16-ների փոխանցումն անվանել է «միջուկային ոլորտում սպառնալիք»
Քաղաքականություն
13.07.2023 | 15:39
Ռուսաստանի արտաքին գործերի նախարար Սերգեյ Լավրովը հայտարարել է, որ քանի որ ամերիկյան F-16 կործանիչները տեսականորեն կարող են միջուկային զենք կրել, Ռուսաստանը դրանց հետագա փոխանցումն Ուկրաինային կդիտարկի որպես «միջուկային ոլորտում սպառնալիք»։
«Մենք տեղեկացրել ենք ԱՄՆ-ի, Մեծ Բրիտանիայի և Ֆրանսիայի միջուկային ուժերին, որ Ռուսաստանը չի կարող անտեսել այդ ինքնաթիռների՝ միջուկային զենք կրելու հնարավորությունը: Այստեղ ոչ մի երաշխիք չի օգնի»,- ասել է Լավրովը Lenta-ին տված հարցազրույցում:
«Ռազմական գործողությունների ընթացքում մեր զինվորականները չեն հասկանա՝ նշված տիպի յուրաքանչյուր կոնկրետ ինքնաթիռ սարքավորվա՞ծ է միջուկային զենքի համար, թե՞ ոչ։ Ուկրաինայի զինված ուժերում նման համակարգերի հայտնվելու փաստը մեր կողմից կդիտվի որպես միջուկային ոլորտում Արևմուտքի սպառնալիք»,- շարունակել է ՌԴ ԱԳՆ ղեկավարը։
Ուկրաինան հրաժարվել է խորհրդային միջուկային զինանոցի այն հատվածից, որը մնացել է իր տարածքում՝ համաձայն 1994 թվականի Բուդապեշտի հուշագրի՝ իր անվտանգության երաշխիքներով, այդ թվում՝ Ռուսաստանի կողմից։ Ոչ մի ցուցում չկա, որ տեսանելի ապագայում նա կարող է այս կամ այն կերպ կրկին միջուկային զենք ձեռք բերել։
F-16-ի ուկրաինացի օդաչուների վերապատրաստումը նախատեսվում է սկսել օգոստոսին Ռումինիայում, իսկ առաջին ինքնաթիռի տեղափոխումն Ուկրաինա, ըստ Կիևի և նրա դաշնակիցների ներկայացուցիչների, կարող է տեղի ունենալ դրանից մոտ վեց ամիս հետո։
Տաթև Ֆռանգյան
