16.07.2026 | 01:03
ԱԱ-2026․ Եզրափակիչում՝ Իսպանիա – Արգենտինա․ ՏԵՍԱՆՅՈՒԹ
Փոխվարչապետերի հանդիպումը կայացել է Տավուշի մարզի և Ղազախի շրջանի հատվածում. Մհեր Գրիգորյանի գրասենյակ
Քաղաքականություն
12.07.2023 | 19:02
ՀՀ փոխվարչապետ Մհեր Գրիգորյանի և Ադրբեջանի փոխվարչապետ Շահին Մուստաֆաևի գլխավորած աշխատանքային հանձնաժողովների հանդիպումը կայացել է Հայաստանի Հանրապետության և Ադրբեջանի Հանրապետության սահմանին՝ ՀՀ Տավուշի մարզի և Ադրբեջանի Ղազախի շրջանի հատվածում: Այս մասին Factor.am-ի հարցին ի պատասխան՝ հայտնեցին Մհեր Գրիգորյանի գրասենյակից։
Ավելի վաղ ՀՀ ԱԳ նախարարությունը հայտնել էր, որ հուլիսի 12-ին Հայաստանի և Ադրբեջանի սահմանին տեղի է ունեցել պետական սահմանի սահմանազատման ու սահմանային անվտանգության հարցերով հանձնաժողովների չորրորդ հանդիպումը՝ փոխվարչապետեր Մհեր Գրիգորյանի և Շահին Մուստաֆաևի նախագահությամբ: ԱԳՆ-ի փոխանցմամբ՝ համաձայն Հայաստանի և Ադրբեջանի ղեկավարների մակարդակով տարբեր ձևաչափերով ձեռք բերված պայմանավորվածությունների՝ կողմերը շարունակել են սահմանազատման հարցերի քննարկումը, անդրադարձել են կազմակերպչական և ընթացակարգային մի շարք հարցերի:
Գրիգորյանը և Մուստաֆաևը պայմանավորվել են նաև աշխատանքային կարգով որոշել հանձնաժողովների հաջորդ հանդիպման անցկացման օրն ու վայրը:
Նարեկ Կիրակոսյան
