13.12.2024 | 12:34
Մոլդովայի խորհրդարանը երկրում արտակարգ դրություն է հայտարարել Էներգետիկ ճգնաժամի պատճառով
Թուրքիայի նախկին ԱԳ նախարար Մևլութ Չավուշօղլուն նոր պաշտոն է ստացել
Քաղաքականություն
12.07.2023 | 17:03
Թուրքիայի նախկին ԱԳ նախարար Մևլութ Չավուշօղլուն, որը խորհրդարանական ընտրությունների արդյունքներով իշխող «Արադարություն և զարգացում» կուսակցությունից պատգամավոր էր ընտրվել, նոր պաշտոն է ստացել։
Թուրքական լրատվամիջոցների հաղորդմամբ՝ նախօրեին խորհրդարանում անցկացվել է ՆԱՏՕ-ի Խորհրդարանական վեհաժողովում թուրքական պատվիարկության առաջին նիստը՝ նախագահի ընտրության օրակարգով։ Հանձնաժողովի անդամների ձայների բացարձակ մեծամասնությամբ ՆԱՏՕ-ի ԽՎ թուրքական պատվիրակության ղեկավար է ընտրվել Մևլութ Չավուշօղլուն, որն այդ պաշտոնի թեկնածու էր առաջադրվել ԱԶԿ-ի և Ազգայնական շարժում կուսակցության անդամների կողմից։
Նշենք, որ Չավուշօղլուն 2014 թվականից մինչև այս տարվա հունիսը զբաղեցնում էր Թուրքիայի ԱԳ նախարարի պաշտոնը։ Նախագահ Ռեջեփ Թայիփ Էրդողանը վերընտրվելուց հետո այդ պաշտոնում նշանակել էր երկրի հետախուզական ծառայության ղեկավար Հաքան Ֆիդանին։
Էմմա Չոբանյան
