06.06.2026 | 16:10
Դատախազությունը զգուշացնում է՝ վարժական հավաքից խուսափելը հանցագործություն է. այն պատժվում է 1-3 տարի ժամկետով ազատազրկմամբ
ԱՄՆ դեսպանն այցելել է պարեկային ծառայության Շիրակի մարզի գումարտակ
Հասարակություն
11.07.2023 | 18:04
Հուլիսի 10-ին ՀՀ-ում ԱՄՆ արտակարգ և լիազոր դեսպան Քրիստինա Քվինն այցելել է պարեկային ծառայության Շիրակի մարզի գումարտակ։ Պարեկային ծառայության պետ, ոստիկանության գնդապետ Արթուր Խուդինյանը և Շիրակի մարզի գումարտակի հրամկազմը դեսպան Քվինին ներկայացրել են ՊԾ Շիրակի մարզի գումարտակի ծառայության կազմակերպման ու իրականացման մանրամասներ․ տեղեկացնում են ՀՀ ՆԳՆ-ից։
ԱՄՆ դեսպանը ծանոթացել է նաև օգտագործվող տեխնիկային ու հնարավորություններին։ Ներկայացնելով Շիրակի և Լոռու մարզերի գումարտակների աշխատանքային ձեռքբերումները՝ Արթուր Խուդինյանը հայտնել է նրանց հաջողված փորձը մյուս մարզերում ևս ներդնելու անհրաժեշության մասին։ Անդրադարձ է կատարվել Արարատի, Արմավիրի, Սյունիքի և Վայոց ձորի մարզերի ապագա պարեկների համար ՆԳՆ կրթահամալիրում անցկացվող ուսուցման գործընթացին։
Քննարկվել են նաև կադրային քաղաքականության, ծառայությունում կանանց ներգրավվածության և ջրային պարեկային ծառայության ներդրման մասին հարցեր։
