14.09.2026 | 12:02
Զելենսկին պատժամիջոցներ է սահմանել իր նախկին մամուլի քարտուղարի և Ռուսաստանի 9 քաղաքացիների նկատմամբ
Փաստաբանները երթով հասել են ՆԳՆ շենքի մոտ
Հասարակություն
11.07.2023 | 13:20
Փաստաբանները երթով հասել են ՆԳՆ ոստիկանության շենք: Նրանք հետևյալ գրությամբ պաստառ են բերել՝ «2023 թվականի հունվարի 9-ին նշանակված ոստիկանության պետ Արամ Կառլենի Հովհաննիսյանը ճանաչվում է «Փաստաբանության թշնամի»՝ այս տարվա փետրվարին և հունիսին փաստաբանների նկատմամբ ոստիկանության ծառայողների կողմից կատարված բռնությունների, ինչպես նաև փաստաբան Կարեն Ալավերդյանի նկատմամբ բռնություն կատարած ոստիկանության ծառայողների լիազորությունները չդադարեցնելու համար»։
Նշենք, որ փաստաբան Կարեն Ալավերդյանը հունիսին բարձրաձայնել էր իր և իր պաշտպանյալի նկատմամբ ՆԳՆ ոստիկանության Կենտրոնի բաժնում բռնություն գործադրելու մասին: ԱԱԾ-ն երեկ հաղորդագրություն է տարածել` հայտնելով, որ դեպքի առթիվ նախաձեռնված քրեական վարույթով ոստիկանության երկու ծառայողի նկատմամբ հանրային քրեական հետապնդում է իրականացվել, նրանց նկատմամբ խափանման միջոց է ընտրվել լիազորությունների կասեցումը: Այսինքն` այս ոստիկանները ժամանակավորապես չեն կարող ծառայել։
Հարկ է նկատել, սակայն, որ այս որոշումը կայացրել է ոչ թե ոստիկանությունը, այլ ԱԱԾ-ն, ընդ որում, փաստաբանները պահանջում են ոչ թե կասեցնել, այլ դադարեցնել ոստիկանների լիազորությունները:
Արաքս Մամուլյան
