23.04.2026 | 11:11
ՀԲՖ․ Մրցավարները ցանկանում էին իրենց «սև գործն» անել նաև Ռուդոլֆ Գարբոյանի մենամարտի ժամանակ
Աջակցում ենք Հայաստան-Ադրբեջան բանակցությունների շարունակմանը․ ԱՄՆ Պետդեպ
Քաղաքականություն
11.07.2023 | 12:09
ԱՄՆ Պետքարտուղարության մամուլի խոսնակ Մեթյու Միլլերը նախօրեի ճեպազրույցում անդրադարձել է Հայաստան-Ադրբեջան բանակցություններին։
«Կարծում եմ՝ մեկ այլ նշան կլինի բանակցությունների շարունակականությունը, որին մենք աջակցում ենք։ Մենք շարունակում ենք հավատալ, որ համաձայնագիրը հնարավոր է, և սպասում ենք առաջիկա ամիսների բանակցություններին»,- ասել է Միլլերը։
Պատասխանելով հարցին՝ բանակցությունների շարունակությունը Վաշինգտոնո՞ւմ է լինելու, Պետքարտրուղարության խոսնակը նշել է, որ չի պատրաստվում ավելին ասել այս հարցի առնչությամբ։
Հիշեցնենք, որ հունիսի 27-29-ն ԱՄՆ-ում պետքարտուղար Էնթոնի Բլինքենի միջնորդությամբ տեղի ունեցան Հայաստան-Ադրբեջան բանակցությունները՝ երկու երկրների ԱԳ նախարարների մասնակցությամբ։ Նախորդ նման հանդիպումն ԱՄՆ-ում տեղի էր ունեցել մայիսի 1-4-ը։
Էմմա Չոբանյան
