05.08.2026 | 17:12
Ես կերազեմ, որ ինչ-որ մի օր իմ պարտքը լինի ոչ թե 32 մլն դրամ, այլ 32 մլրդ դոլար․ Սիսակ Գաբրիելյան․ ՏԵՍԱՆՅՈՒԹ
Ադրբեջանում պահվող անձինք ԿԽՄԿ-ի միջոցով կապվել են ընտանիքների հետ
Հասարակություն
10.07.2023 | 18:14
Կարմիր խաչի միջազգային կոմիտեի աշխատակիցները հերթական այցն են կատարել Ադրբեջանում գերության մեջ գտնվող անձանց։ Խոսքը վերաբերում է բոլոր նրանց, որոնց պահման փաստը հաստատել է Բաքուն։ Factor.am-ին այս մասին հայտնեց Հայաստանում Կարմիր Խաչի միջազգային կոմիտեի հաղորդակցման ծրագրերի ղեկավար Զառա Ամատունին՝ առանց պահվող անձանց թիվը հստակեցնելու։
«Մեր տեսակցությունների շրջանակում բոլորին տրվում է հնարավորություն ընտանիքների հետ կապ հաստատելու՝ կապի տարբեր միջոցներով։ Վերջին շրջանում երկու հայերի համար, որոնք պահվում են Ադրբեջանում, երկրորդ տեսակցություն էր, իրենց դեպքում նամակների փոխանակման ձևաչափն է օգտագործվել»,- մանրամասնեց Զառա Ամատունին։
Ինչ վերաբերում է պահման պայմաններին, Ամատունու խոսքով, բոլոր հարցերը քննարկվում են այդ անձանց պահող իշխանության ներկայացուցիչների հետ։
