06.04.2026 | 23:30
Հրդեհ Թաիրով բնակավայրում. այրվել է ավտոմեքենա
ՆԱՏՕ-ի երկրները կարող են Ուկրաինայի վերաբերյալ անհատական հռչակագրեր ընդունել
Քաղաքականություն
10.07.2023 | 16:06
ՆԱՏՕ-ի երկրները կարող են Ուկրաինայի վերաբերյալ անհատական հռչակագրեր ընդունել։ Այս մասին գրում է Financial Times-ը։
Ըստ պարբերականի տվյալների՝ ԱՄՆ-ը, Գերմանիան, Ֆրանսիան և Մեծ Բրիտանիան անհատական պարտավորություններ են ստանձնելու՝ օգնելու Ուկրաինային՝ ՆԱՏՕ-ի անդամ դառնալու մասին որոշում կայացնելու փոխարեն։
Անհատական պարտավորությունները նշանակում են, որ Ուկրաինան կստանա հետագա ռազմական մատակարարումներ, հետախուզական տվյալներ և աջակցություն՝ իր պաշտպանական քաղաքականության բարեփոխման համար։
Բացի այդ, կբարձրանա Ուկրաինա-ՆԱՏՕ հանձնաժողովի կարգավիճակը՝ այն կստանա խորհրդի մակարդակ, որը Կիևին հավասար տեղ կապահովի բանակցությունների սեղանի շուրջ և արտահերթ խորհրդակցությունների համար նիստեր հրավիրելու իրավունք։
Հիշեցնենք, որ Վիլնյուսում կայանալիք ՆԱՏՕ-ի գագաթնաժողովում քննարկվելու է Ուկրաինայի՝ դաշինք մտնելու հարցը, սակայն դա կարող է տեղի չունենալ։ Ուստի, ՆԱՏՕ-ի հիմնական անդամներն այժմ դիտարկում են Ուկրաինայի հետ համագործակցության այլ ձևեր:
Տաթև Ֆռանգյան
