Փաստաբանները վաղվանից եռօրյա գործադուլ կանեն․ բողոքի ակցիաներ՝ ՆԳՆ-ի և ԲԴԽ-ի շենքերի դիմաց

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

Փաստաբանները պահանջում են ՆԳՆ ոստիկանության պետ Արամ Հովհաննիսյանի հրաժարականը։ Հուլիսի 11-ին, 12-ին և 13-ին նրանք գործադուլ կանեն՝ հրաժարվելով Հայաստանի պետական մարմիններում (այդ թվում՝ դատարաններում, նախաքննության մարմիններում) պաշտպանություն կամ ներկայացուցչություն իրականացնելուց։

Փաստաբաններն այսպիսով իրենց դժգոհությունն են հայտնում ոստիկանության բաժնում վերջին ամիսների ընթացքում տեղի ունեցած բռնության դեպքերի առնչությամբ։

2023 թվականի ընթացքում փաստաբանների նկատմամբ ոստիկանության բաժիններում բռնության վերաբերյալ երկու ահազանգ է ստացվել։ Փետրվարին փաստաբաններ Մարզպետ Ավագյանն ու Էմանուել Անանյանը հայտնել են ոստիկանության Էրեբունու բաժնում իրենց նկատմամբ ենթադրյալ բռնություն գործադրելու մասին։ Հունիսին էլ փաստաբան Կարեն Ալավերդյանն է ահազանգել իր նկատմամբ ոստիկանության Կենտրոնի բաժնում բռնության մասին։

Հունիսի 26-ին փաստաբանները մեկօրյա գործադուլ էին հայտարարել և Փաստաբանների պալատից քայլերթով շարժվել դեպի ոստիկանության Կենտրոնի բաժին, որտեղ բռնցքամարտի ձեռնոցներ են թողել՝ կից գրությամբ՝ «Ոստիկանության կենտրոնական բաժնի (բռնա)պետին»:

Այդ ժամանակ փաստաբանները նաև ՆԳՆ ոստիկանության պետի հրաժարականի պահանջ են ներկայացրել, որը չի կատարվել, ուստի նրանք, փաստորեն, դիմում են ավելի լուրջ գործողության՝ եռօրյա գործադուլի։

Նշենք, որ վաղը՝ հուլիսի 11-ին ժամը 12։30-ին նախատեսվում է նաև բողոքի ակցիա Բարձրագույն դատական խորհրդի շենքի դիմաց՝ ԲԴԽ նախագահ Կարեն Անդրեասյանի հրաժարականի պահանջով։ Այս բողոքի ակցիայի պատճառն էլ վերջին օրերին դատավորների վերաբերյալ կարգապահական վարույթների քննության ընթացքում դատավորների բարձրացրած խնդիրները, այդ թվում՝ դատավոր Դավիթ Հարությունյանին՝ իր ընտրած փաստաբանների միջոցով պաշտպանություն իրականացնելու իրավունքից զրկելը, ԲԴԽ-ում լրագրողների աշխատանքը սահմանափակելը։

Թեև այս երկու բողոքի ակցիաներն առանձին միջոցառումներ են, ՆԳՆ-ի շենքի դիմաց բողոքի ակցիա իրականացնող փաստաբանների մի մասը միանալու է նաև ԲԴԽ շենքի դիմաց նախատեսված բողոքի գործողություններին։