17.02.2026 | 01:59
Կարինա Ակոպովան ու Նիկիտա Ռախմանինը 14-րդ տեղը գրավեցին ձմեռային Օլիմպիական խաղերում
Հայաստանում ներքին գործընթացներ են սպասվում. Սերժ Սարգսյան
Քաղաքականություն
07.07.2023 | 18:15
Սերժ Սարգսյանի կարծիքով Հայաստանում ներքին գործընթացներ են սպասվում․ այս մասին լրագրողների հետ ճեպազրույցում հայտարարել է 3-րդ նախագահն` անդրադառնալով Նիկոլ Փաշինյանի հայտարարություններին։
«Չեն կարող այդպիսի գործընթացներ չլինել։ Իսկ լրջորեն պատասխանել մի մարդու, ով հրապարակավ խոստովանում է, որ զինվորականները 10-ից ավելի անգամ իրեն խաբել են 44-օրյա պատերազմի ժամանակ․․․ Դուք պատկերացնո՞ւմ եք, մարդ, ում 10 անգամ կարող են խաբել, և ինքը դա չզգա: Այսինքն՝ կառավարման ի՞նչ ունակություն պետք է ունենա այդպիսի մարդը, կամ ինչ գիտելիք պետք է ունենա այդպիսի մարդը: Մեր ամբողջ ողբերգությունը դրանում է, ուրիշ ոչ մի բանում»,- ասաց նա։
Սերժ Սարգսյանն անդրադարձավ նաև այն հարցին, որ 44-օրյա պատերազմի ԱԺ քննիչ հանձնաժողովում մեղադրում են նախկին իշխանություններին՝ հիշատակելով մադրիդյան ու կազանյան փաստաթղթերը:
«Սեփական կաշին փրկելու նպատակով ուրիշներին զրպարտելը անբարոյականություն է: Իսկ այնտեղ զրպարտանքի շատ-շատ մեծ չափաբաժին կար: Հոգեբաններն ասում են, որ ստախոսները, ի վերջո, գալիս, հասնում են մի հանգրվանի, որ իրեքն են սկսում իրենց ստերին հավատալ: Բայց կա մի հուսադրող հանգամանք. Նրանք նաև ասում են, որ դա ստախոսության վերջին փուլն է: Հույս ունեմ, որ գտնվում ենք վերջին փուլում»,-ասաց Սարգսյանը:
Երրորդ նախագահն անդրադառնալով իր կուսակից Արմեն Աշոտյանի կալանավորմանը՝ հայտարարեց, թե Աշոտյանը քաղբանտարկյալ է։ Ըստ Սերժ Սարգսյանի՝ իշխանությունները նրանից վախենում են։
