09.04.2026 | 21:23
Ցուցակի առաջինը ես եմ, 2-րդը` Թևանյանը, 3-րդը` Լուիզա Սարգսյանը. Ծառուկյան. ՏԵՍԱՆՅՈՒԹ
Հայաստանում կանցկացվի Խնամատարության ինստիտուտի զարգացմանն ուղղված տարածաշրջանային համաժողով
Հասարակություն
07.07.2023 | 16:06
Աշխատանքի և սոցիալական հարցերի նախարար Նարեկ Մկրտչյանի Մեծ Բրիտանիա կատարած այցի շրջանակում երեխաների իրավունքների պաշտպանության ոլորտում համագործակցության ընդլայնման, խնամատարության ինստիտուտի զարգացման նպատակով ԱՍՀ նախարարության և Բրիտանիայի «Երեխաների խնամք» հասարակական կազմակերպության միջև ստորագրվել է փոխըմբռնման հուշագիր, որը նախկինում ստեղծված սերտ համագործակցության արդյունքն է. տեղեկացնում են ԱՍՀ նախարարությունից։
2023 թվականի հունվարին նախարար Մկրտչյանի հրավերով խնամատարության մասին պատմող «Շանհայի երեխաները» ֆիլմի ցուցադրման շրջանակում Հայաստանում էր գտնվել նաև «Երեխաների խնամք» ՀԿ-ի հիմնադիր Ռոբերտ Գլովերը․ կիսվել սեփական փորձառությամբ և խնամատար ընտանիքի զարգացման իր տեսլականով։
Հուշագրի ստորագրման արարողությանը մասնակցել է նաև «Երեխաների խնամք» ՀԿ-ի աջակից Քենթի արքայազն Մայքլ Ջորջ Չարլզ Ֆրանկլինը։
Հուշագրի շրջանակում նախատեսվում է փորձի փոխանակման, վերապատրաստումների և մասնագիտական այցերի միջոցով կատարելագործել կյանքի դժվարին իրավիճակում հայտնված երեխայի՝ ընտանիքում ապրելու իրավունքի իրացումն ապահովող գործընթացները, ինչպես նաև կազմակերպել 2023 թվականի սեպտեմբերին Երևանում կայանալիք «Խնամատարության ինստիտուտի զարգացումը» թեմայով տարածաշրջանային համաժողովի անցկացման աշխատանքները։ Պայմանավորվածություն է ձեռքբերվել այն պարբերաբար անցկացնել Հայաստանում։
