02.04.2026 | 16:24
Ապացույցների մեջ ակնհայտ հակասություններ կան․ Օրբելյանը՝ ՀԷՑ-ում արձանագրած խախտումների մասին․ ՏԵՍԱՆՅՈՒԹ
Ոստիկանությունն օգտագործվելու է որպես մահակ՝ քաղաքացիների և հասարակության դեմ․ Նինա Կարապետյանց. ՏԵՍԱՆՅՈՒԹ
Քաղաքականություն
07.07.2023 | 13:56
Երբ նրանք, ովքեր ժամանակին բռնություն են կիրառել և հայտնի են մարդուն ոչ վայել իրենց վարքագծով, և այսօր ոչ միայն շարունակում են պաշտոնավարել, այլ նաև ստացել են ավելի բարձր կոչումներ ու պաշտոններ, ու դրան զուգահեռ տեղի են ունենում նոր միջադեպեր՝ քաղաքացիների հետ կապած, ապա ակնհայտ էր, որ ինչ-որ պահի ականատես ենք դառնալու շատ ավելի մեծ ծավալի խնդիրների։ Մասնավորապես հիմա գործը հասել է նրան, որ փաստաբաններին են սկսել բռնության ենթարկել։ Ակնհայտ էր, որ սա գեներացվելու է։ Այս մասին այսօր «Ոստիկանական բռնությունների աճը՝ ոչ արդյունավետ բարեփոխումների հետևանք» թեմայով քննարկման ժամանակ նշեց իրավապաշտպան Նինա Կարապետյանցը։
Իրավապաշտպանի դիտարկմամբ՝ 2018թ․-ից հետո տևական ժամանակ չբարեփոխված ոստիկանության գործողությունները շատ դեպքերում՝ բավականին ծանր միջադեպերի ժամանակ բավականին ադեկվատ էին, համաչափ, իրենց գործառույթներին համապատասխան։
«Սա նշանակում է, որ ոստիկանությունն ի վիճակի է այդպիսի գործողություններ իրականացնելու։ Հարց է ծագում՝ ինչո՞ւ համակարգից չեն հեռացվում որոշ ոստիկաններ կամ փոփոխությունների չեն ենթարկում այս ոստիկանությանը։
Ես համոզմունք եմ հայտնել, որ դրա պատճառն այն է, որ այս իշխանությունը ենթադրում է, թե ինչ-որ պահի կարիք է ունենալու այնպիսի ոստիկանության, որը կկատարի ապօրինի հրահանգներ, ինչպես նախկինում։
Ավելացել են այդպիսի դեպքերը և դեռ ավելանալու են, երբ ոստիկանությունն օգտագործվում է քաղաքացիների և հասարակության՝ դեմ որպես մահակ»,- ընդգծեց Կարապետյանցը։
Մանրամասները՝ տեսանյութում։
