15.07.2026 | 17:30
ԱՄՆ-ն 90 րոպեանոց հարվածների նոր ալիք է իրականացրել Իրանի դեմ
Եթե Դավիթ Տոնոյանը ցանկանա՝ կլինի նաև ուղիղ հեռարձակում, նիստը՝ հաջորդ շաբաթ․Անդրանիկ Քոչարյան. ՏԵՍԱՆՅՈՒԹ
Հասարակություն
06.07.2023 | 14:25
44-օրյա պատերազմի օրերին Պաշտպանության նախարարի պաշտոնը զբաղեցրած Դավիթ Տոնոյանն, ամենայն հավանականությամբ, հաջորդ շաբաթ հնարավորություն կստանա ներկայանալ պատերազմի հանգամանքներն ուսումնասիրող Ազգային ժողովի քննիչ հանձնաժողովի նիստին։ Այդ մասին Factor TV-ին հայտնեց խորհրդարանի պաշտպանության հանձնաժողովի նախագահ Անդրանիկ Քոչարյանը։
«Նիստի ձևաչափը և մնացած մանրամասները կքննարկենք վաղը հանձնաժողովի նիստում»,- ասաց Քոչարյանը՝ նշելով, որ եթե Դավիթ Տոնոյանը ցանակա, որ իր մասնակցությամբ նիստը ուղիղ հեռարձակվի, ապա այդ հնարավորությունը կստեղծվի։
Անպիտան հրթիռների գործով կալանավորված պաշտպանության նախկին նախարարը երեկ հայտարարել է, որ միջնորդություն է ներկայացրել հակակոռուպցիոն դատարան՝ խնդրելով թույլատրել ներկայանալ հանձնաժողովի նիստին: Տոնոյանը նաև նշել է, որ չնայած քննիչ հանձնաժողովի նպատակների և աշխատաոճի հանդեպ ունեցած իր բոլոր վերապահումներին, որոշել է ներկայանալ հանձնաժողով։
Պատճառն էլ, ըստ Տոնոյանի, հանձնաժողովում վարչապետ Նիկոլ Փաշինյանի, ինչպես Զինված ուժերի Գլխավոր շտաբի նախկին պետ Օնիկ Գասպարյանի հայտարարություններն են, նաև՝ հանրային պահանջը:
