26.06.2026 | 23:19
Վթար Շաղատ գյուղում․ վարորդը տեղում մահացել է
Բաքվում առաջարկում են երկրի ռազմական դոկտրինում Ֆրանսիան ներառել վտանգավոր երկրների շարքում
Քաղաքականություն
06.07.2023 | 15:29
Ադրբեջանի Միլի Մեջլիսի այսօրվա նիստում պատգամավորները կրկին հանդես են եկել հակաֆրանսիական հայտարարություններով։ Մասնավորապես, պատգամավորներից Էլշադ Միրբաշիրն առաջարկել է փոխել Ադրբեջանի ռազմական դոկտրինը՝ երկրին սպառնացող պետությունների թվում ավելացնելով Ֆրանսիային։
«Փոխվել են Ադրբեջանի նկատմամբ ուղղված սպառնալիքները։ Երկրների մեծ մասի ռազմական դոկտրինները փոխվում են ամեն տարի կամ երկու տարին մեկ անգամ։ Ադրբեջանի ռազմական դոկտրինը պետք է փոխվի՝ փոփոխվող աշխարհում նոր իրողություններին համապատասխան։ Այն պետք է ներառի Ադրբեջանի համար վտանգ ներկայացնող երկրների, օրինակ՝ Ֆրանսիան։ Անհրաժեշտ է փոփոխություններ կատարել Ադրբեջանի ռազմական դոկտրինի 14-րդ, 15-րդ և 16-րդ հոդվածներում»,- ասել է պատգամավորը։
Չնայած հակաֆրանսիական հռետորաբանությանը՝ Բաքուն, այնուամենայնիվ, չի հրաժարվում Փարիզի հետ տնտեսական համագործակցությունից։ Մասնավորապես, նախօրեին Ադրբեջանի էներգետիկայի նախարար Փարվիզ Շահբազովը Վիեննայում հանդիպել է ֆրանսիական TotalEnergies ընկերության ղեկավար Պատրիկ Պույանի հետ։ Նշվում է, որ հանդիպման ընթացքում քննարկվել են Կասպից ծովի ադրբեջանական հատվածում «Ապշերոն» հանքավայրի զարգացմանն ու երկրում 500 ՄՎտ ընդհանուր հզորությամբ վերականգնվող էներգետիկայի նախագծերի իրականացմանն առնչվող հարցեր։
Էմմա Չոբանյան
