27.06.2026 | 13:33
Ռուբիոն հայտարարել է Իսրայել–Լիբանան նոր համաձայնագրի մասին. Իրանը դուրս է մնում, «Հեզբոլլահը»՝ նույնպես
Փլուզում Ֆիրդուսի փողոցում
05.07.2023 | 22:24
Հուլիսի 5-ին՝ ժամը 14։00-ին, Ճգնաժամային կառավարման ազգային կենտրոն ահազանգ է ստացվել, որ Երևանի Ֆիրդուսի փողոցում տեղի է ունեցել փլուզում։
ՆԳՆ փրկարար ծառայությունից տեղեկացնում են, որ դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Պարզվել է, որ չշահագործվող մսուր-մանկապարտեզի արտաքին պատից 3 քմ հատված փլուզվել և լցվել է մոտակա խանութի (18 քմ) տանիքին՝ վնասելով տանիքը և խանութը (մոտ 9 քմ), առկա է մանկապարտեզի պատից ևս 1 քմ հատվածի փլուզման վտանգ․ տուժածներ չկան։
Փրկարարներն ապամոնտաժել են փլուզման վտանգ ներկայացնող պատը։
