15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Բաքու-Թեհրան բարդ հարաբերությունների պայմաններում Ալիևը հանդիպել է Իրանի ԱԳ նախարարին
Քաղաքականություն
05.07.2023 | 17:40
Իրանի ԱԳ նախարար Հոսեյն Ամիր Աբդոլահիանը, որը Բաքվում մասնակցում է Չմիավորման շարժման կազմակերպության համակարգող բյուրոյի նախարարական հանդիպմանը, հանդիպել է Ադրբեջանի նախագահ Իլհամ Ալիևին։ IRNA գործակալության հաղորդմամբ՝ կողմերը քննարկել են Թերանի և Բաքվի միջև հարաբերությունների ամրապնդումը։ Տարածաշրջանային խնդիրները նույնպես եղել են քննարկման առանցքում։
Նշենք, որ երկու երկրների հարաբերությունները բավական լարված են։ Ադրբեջանի ԱԳՆ-ն իր քաղաքացիներին հորդորել է Իրան չայցելել։ Վերջերս նաև տեղեկություններ էին տարածվել, որ Իրանում ձերբակալվել է Ադրբեջանի քաղաքացի Ֆարիդ Սաֆարլին՝ լրտեսության մեղադրանքով։
Իր հերթին, Բաքուն շարունակվում է կրոնական տարբեր գործիչների ձերբակալությունները՝ Իրանի օգտին լրտեսություն կատարելու կասկածանքով։ Հունիսի 23-ից էլ Ադրբեջանը դադարեցրել է Իրանի քաղաքացիներին վիզաների տրամադրումն իր օդանավակայաններում։ Բացի այդ, հունվարից՝ Թեհրանում Ադրբեջանի դեսպանատան վրա զինված հարձակումից հետո, Բաքուն փակել է իր դիվանագիտական ներկայացուցչությունն Իրանում։
Էմմա Չոբանյան
