16.05.2026 | 11:33
Քաղաքների մթնոլորտային օդում փոշու պարունակությունը մայիսի 2-8-ը
Ադրբեջանում ընթանում է առևանգված հայ զինծառայողների ապօրինի գործով հերթական դատական նիստը
Քաղաքականություն
05.07.2023 | 13:00
Սումգայիթի ծանր հանցագործությունների դատարանում այսօր շարունակվում է առևանգված հայ զինծառայողներ Հարություն Հովագիմյանի և Կարեն Ղազարյանի ապօրինի դատավարությունը։
Նշենք, որ հայ զինծառայողներին Բաքուն ապօրինիաբար մեղադրում է, իբր, «Ադրբեջանի պետական սահմանի խախտման և ծանր հանցագործություններ կատարելու համար»։
Տեղական լրատվամիջոցները նշում են, որ դատավոր Ֆահմին Գումբատովի նախագահությամբ ընթացող նիստում ընթերցվել են հայ զինծառայողների իրավունքներն ու պարտականությունները։ Դատախազն ընթերցել է մեղադրական եզրակացությունը։ Այժմ նիստը շարունակվում է։
Հիշեցնենք, որ մայիսի 26-ին մարտական դիրքեր սնունդ մատակարարող երկու հայ զինծառայողների հետ կապն ընդհատվել էր: Մայիսի 27-ին Պաշտպանության նախարարությունը հայտնել էր, որ միջդիրքային ճանապարհին հայտնաբերվել է թիկունքային մատակարարման ավտոմեքենան, որում եղել է նաև զինվորներից մեկին ամրակցված զենքը: Քննչական կոմիտեից ավելի ուշ տեղեկացրել էին, որ Ադրբեջանի զինված խումբը հատել է սահմանը և առևանգել հայ զինծառայողներին:
Էմմա Չոբանյան
