07.10.2026 | 23:48
Արթուր Դանիելյանը կալանավորվեց
Թուրքիայի ԱԳ նախարար Հաքան Ֆիդանը մեկնում է Բաքու
Քաղաքականություն
04.07.2023 | 18:52
Թուրքիայի ԱԳ նախարար Հաքան Ֆիդանը կայցելի Ադրբեջան։ Թուրքիայի ԱԳՆ-ի հաղորդմամբ՝ Ֆիդանն Ադրբեջանի ԱԳ նախարար Ջեյհուն Բայրամովի հրավերով մասնակցելու է Չմիավորման շարժման համակարգող բյուրոյի նախարարական հանդիպմանը, որը տեղի կունենա հուլիսի 5-6-ին Բաքվում։
Նշվում է, որ այցի ընթացքում թուրք նախարարը նախատեսում է երկկողմ հանդիպումներ ունենալ գործընկերների հետ։
Հավելենք, որ ԱԳ նախարարի պաշտոնում նշանակվելուց հետո սա Ֆիդանի երկրորդ այցն է Բաքու։ Առաջին այցը նա կատարել էր նախագահ Ռեջեփ Թայիփ Էրդողանի գլխավորած պատվիրակության կազմում՝ հունիսի 12-ին։
Նշենք, որ Բաքու է մեկնում նաև Իրանի ԱԳ նախարար Հոսեյն Ամիր Աբդոլահիանը՝ մասնակցելու Չմիավորման շարժման համակարգող բյուրոյի նախարարական հանդիպմանը։
Էմմա Չոբանյան
