07.10.2026 | 23:48
Արթուր Դանիելյանը կալանավորվեց
ԱՄՆ-ն և Հայաստանը կարևոր շահեր ունեն․ Քրիստինա Քվին
Քաղաքականություն
04.07.2023 | 15:31
«Մենք պատրաստ ենք խոսել ցանկացած կողմի հետ, որը կարող է դրական տեսլական ներկայացնել տարածաշրջանին խաղաղություն բերելու համար։ ԱՄՆ-ն շատ ակտիվորեն ներգրավված է, բայց նաև Եվրամիությունն է ակտիվ, քանի որ երկու կողմերն էլ տեսնում են, որ Հարավային Կովկասում խաղաղություն ունենալը շահեկան է»,- Հանրային հեռուստաընկերության եթերում այս մասին հայտարարեց ՀՀ–ում ԱՄՆ արտակարգ և լիազոր դեսպան Քրիստինա Քվինը։
ԱՄՆ դեսպանը հավելեց, որ լինելով Հայաստանում ԱՄՆ դեսպան, տեսնում է, որ ԱՄՆ-ն և Հայաստանը կարևոր շահեր ունեն: Նրա դիտարկմամբ՝ Հայաստանը լուսավոր կետ է տարածաշրջանում։
«Մենք և դուք ընդհանուր ժողովրդավարական շահեր ունենք, հետամուտ ենք ընդհանուր ժողովրդավարական գործընթացներին։
Մենք տեսնում ենք, որ Հայաստանը պայծառ կետ է տարածաշրջանում՝ ժողովրդավարության իմաստով։ ՀՀ-ն առաջ է շարժվում բարեփոխումների առումով, ունի ազատ մամուլ, խոսքի ազատություն, շարժվում է առաջ՝ բարելավումներ կատարելով ամեն օր։
Մենք ուզում ենք սատարել այդ ամեն ինչին, որովհետև հավատում ենք ժողովրդավարությանը։ ԱՄՆ-ն հավատում է, որ ժողովրդավարական երկրներն են ամենակայուն երկրները, և դրանք են այն երկրները, որոնք միջազգային հարաբերություններում լավագույնն են հարաբերվում այլ երկրների հետ»,- նշեց Քվինը:
