27.06.2026 | 09:03
ԱԱ-2026. Բելգիան ու Եգիպտոսը նվաճեցին փլեյ-օֆֆի ուղեգիր. ՏԵՍԱՆՅՈՒԹ
Մենք հավատում ենք և հույս ունենք, որ դա հնարավոր է․ ՀՀ-ում ԱՄՆ դեսպանը՝ Ադրբեջանի կազմում ԼՂ-ի ճակատագրի մասին հարցին ի պատասխան
Քաղաքականություն
04.07.2023 | 15:11
ՀՀ–ում ԱՄՆ արտակարգ և լիազոր դեսպան Քրիստինա Քվինը Հանրային հեռուստաընկերության եթերում անդրադարձել է Ադրբեջանի կազմում Արցախի և արցախահայության ճակատագրի մասին հարցին։ Զրուցավարը հարց է ուղղել․ «Գիտեք ինչ, բանավեճ կա հասարակության մեջ, և դուք էլ եք տեսնում Ադրբեջանի վարքագիծը, մի մասն ասում է, որ եթե Ղարաբաղը մնա Ադրբեջանի կազմում, ապա տեսականորեն անհնար է խաղաղ և անվտանգ ապրել իրենց տանը, ուղղակի ֆիզիկապես անհնար է դա»։
«Մենք հավատում ենք և հույս ունենք, որ դա հնարավոր է։ Կարծում ենք, որ բոլոր կողմերը պետք է միասնաբար ջանքեր գործադրեն, որպեսզի դա հնարավոր դարձնեն։ Միացյալ Նահանգները կարծում է, որ դա է ճիշտ մոտեցումը։ Բոլոր կողմերին քաջալերում ենք, որպեսզի միասնաբար ջանքեր գործադրեն՝ ապահովելու նշված իրավունքները և անվտանգությունը։ Բոլոր կողմերն ասել են, որ իրենք համարում են, որ ԼՂ-ում ապրողների իրավունքները և անվտանգությունը պետք է երաշխավորված լինեն, և հիմա նրանց մնում է գտնել դա անելու, դա ապահովելու ճանապարհը»,- ասել է դեսպան Քվինը։
