22.11.2024 | 15:15
Քաղաքապետարանը չի թույլատրում լուսաբանել վարչության պետերի մրցույթը՝ խախտելով հրապարակայնության սկզբունքը
Եթե ԲԴԽ-ն է այդպես վարվում, սա կարող է վատ ազդակ լինել դատավորների և դատարանների համար. Աշոտ Մելիքյան․ ՏԵՍԱՆՅՈՒԹ
Հասարակություն
04.07.2023 | 14:29
ԲԴԽ-ն պետք է օրինակ ծառայի և դատարաններին ցույց տա, թե ինչպիսին պետք է լինեն լրատվամիջոցների հետ քաղաքակիրթ մոտեցումներն ու հարաբերությունները։ Այս առումով ԲԴԽ-ի մոտեցումը, ցավալի էր․․․ «Արդարադատությունը փակ դռների հետևում» թեմայով հրավիրված ասուլիսի ժամանակ այս մասին նշեց Խոսքի ազատության պաշտպանության կոմիտեի նախագահ Աշոտ Մելիքյանը։
Նրա դիտարկմամբ՝ արձագանքների ալիքը դեռ կշարունակվի, և եթե ապագայում այս տհաճ միջադեպը կրկնվի, ապա լրագրողական հանրությունն իրեն իրավունք կվերապահի դեմարշներ իրականացնել։
Նշենք, որ հուլիսի 3-ին լրագրողներին թույլ չեն տվել ներկա լինել դատավորներ Սամվել Թադևոսյանին, Աստղիկ Խարատյանին, Արտակ Բարսեղյանին, Տիգրան Պետրոսյանին ու Դավիթ Հարությունյանին կարգապահական պատասխանատվության ենթարկելու վերաբերյալ որոշման հրապարակմանը։ Թեև նիստը դռնբաց էր, բայց կարգադրիչները փակել էին դահլիճի մուտքը՝ պատճառաբանելով, թե դահլիճը բազմամարդ է։
Մելիքյանն ընդգծեց, որ ԲԴԽ-ն պետք է հնարավորինս քաղաքակիրթ հարաբերություններ հաստատի ԶԼՄ-ների հետ և նորմալ համագործակցի, իսկ ԲԴխ նախագահը, այս առումով, վերանայի իր մոտեցումը։
Մանրամասները՝ տեսանյութում։
