13.01.2025 | 18:31
«Մայր Հայաստան» խմբակցությունը Երևանի ավագանու արտահերթ նիստ կգումարի
Այսօր ԱՄՆ-ում նշում են Անկախության տոնը
Քաղաքականություն
04.07.2023 | 11:18
Ամերիկայի Միացյալ Նահանգները այսօր տոնում է Անկախության օրը։ 1776 թվականի հուլիսի 4-ին ընդունվել է ԱՄՆ-ի Անկախության հռչակագիրը։ Հուլիսի 2-ին ընտրությունների միջոցով Կոնգրեսը հավանության է արժանացրել անկախության բանաձևը։ Հյուսիսային Ամերիկայի հեղափոխական ազատագրական պատերազմի ժամանակ՝ անգլիական գաղութների (13 նահանգների) ներկայացուցիչների Ֆիլադելֆիայի Մայրցամաքային 2-րդ կոնգրեսում ազդարարեցին գաղութների անջատումն Անգլիայից և Ամերիկայի Միացյալ Նահանգների ստեղծումը։
Այն հռչակում էր բոլոր մարդկանց հավասարությունն օրենքի առջև, ժողովրդի գերիշխանությունը և ժողովրդի իրավունքները ոտնահարող կառավարության դեմ նրա ապստամբելու իրավունքը։ Անկախության հռչակագիրը համաշխարհային պատմության համար բեկումնային, հեղափոխական փաստաթուղթ էր:
Անկախության օրը համարվում է ԱՄՆ-ի՝ որպես անկախ և ինքնիշխան երկրի ծննդյան օրը։ Միջոցառումն ուղեկցվում է զորահանդեսով, բեյսբոլյան հանդիպումներով, պարահանդեսներով, տոնավաճառներով, համերգներով, բացօթյա ճաշկերույթներով։
Հայաստանում ԱՄՆ դեսպանատունը շնորհավորել է Անկախության տոնը։ Օրեր առաջ էլ դեսպան Քրիստինա Քվինը ելույթ էր ունեցել ԱՄՆ Անկախության տոնի առթիվ դեսպանատանը կազմակերպված ընդունելության ընթացքում։
