25.11.2024 | 20:14
Թուրքիայում 2 ռուս օդաչուներ 5 տարվա ազատազրկման են դատապարտվել
Եթե Ադրբեջանի կազմում Արցախն ունենա հանրապետության կարգավիճակ, լավագույն լուծումը կլինի․ Ալիևը համաձայն չէ․ Գևորգ Գորգիսյան․ ՏԵՍԱՆՅՈՒԹ
Քաղաքականություն
03.07.2023 | 21:00
Factor TV-ի հարցազրույցը Լուսավոր Հայաստան կուսակցության փոխնախագահ Գևորգ Գորգիսյանի հետ
-Վերջին օրերին շրջանառվում են լուրեր այն մասին, որ հայաստանյան իշխանությունները բոլոր մակարդակներում դադարեցրել են իրենց շփումները ԼՂ-ի գործընկերների հետ։ ՀՀ վարչապետի խոսնակը հերքեց այդ լուրերը՝ ասելով, որ Նիկոլ Փաշինյանն ամենօրյա շփումների մեջ է Արցախի նախագահ Արայիկ Հարությունյանի հետ։ Արցախից էլ Ալեն Սիմոնյանի մասին էին այդպիսի տեղեկություն հրապարակել, Ալեն Սիմոնյանը ևս հերքեց։ Ըստ Ձեզ՝ ի՞նչ է կատարվում այս տիրույթում, արդյո՞ք նորմալ են հարաբերությունները։ Հիշենք, որ պարբերաբար նաև արցախյան թևից քննադատական, սուր հակադարձումներ են լինում Նիկոլ Փաշինյանի որոշ հայտարարությունների առնչությամբ։
-Պրոցեսը բնականոն եմ համարում, որովհետև Արցախը պետք է ավելի կոշտ դիրքորոշում ունենա, քան Հայաստանը, որովհետև այնտեղ կա ժողովուրդ, կա իշխանություն՝ ընտրված այդ ժողովրդի կողմից, և նրանք պիտի պահանջեն առավելագույնը։ Հայաստանը կարող է այդ առավելագույնին սատարել, թե ոչ, դա այլ հարց է։ Հայաստանն ունի իր հնարավորության սահմանները և այդ շրջանակներում փորձում է աջակցել, ամեն ինչ անել։
-Դուք գնացիք դիվանագիտական դաշտ, բայց հարցս այն տրամաբանությամբ էր, թե արդյո՞ք ՀՀ իշխանությունները ձեռքերը լվացել են ԼՂ-ից։
-Հայաստանի Հանրապետությունը միակ օբյեկտն է աշխարհի երեսին, որն զբաղվում է Արցախի հարցով։ Այլ օբյեկտ, այլ մարմին, որը փորձում է Արցախի շահերը պաշտպանել միջազգային ասպարեզում, չկա։ Հայաստանը ձեռքերը լվացած կլիներ, եթե այս հարցը փակված համարեր և, ինչպես Ադրբեջանը, ասեր՝ Արցախի հարցը լուծված է, և վերջ։ Քանի դեռ Հայաստանը պայքարում է Ադրբեջանի դեմ, երբեմն նաև Հայաստանի շահերի հաշվին, որպեսզի կարողանանք հասնել Արցախում բնակվող հայության որոշակի իրավունքների հաստատման, ուրեմն Հայաստանը ձեռքերը չի լվացել։
Հարցազրույցն ամբողջությամբ՝ տեսանյութում։
Ռոբերտ Անանյան
