25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Բայրամովի հրավերով Իրանի ԱԳ նախարարը մեկնում է Բաքու
Քաղաքականություն
03.07.2023 | 14:27
Իրանի ԱԳՆ մամուլի խոսնակ Նասեր Քանանին այսօրվա ճեպազրույցում հայտարարել է, որ ԱԳ նախարար Հոսեյն Ամիր Աբդոլահիանը իր ադրբեջանցի գործընկերոջ՝ Ջեյհուն Բայրամովի հրավերով մեկնելու է Բաքու՝ մասնակցելու Չմիավորման շարժման երկրների գագաթնաժողովին, գրում է Մեհր գործակալությունը։
Քանանին նշել է, որ գագաթնաժողովը կարևոր նշանակություն ունի Թեհրանի համար և ԱԳ նախարարն էլ գլխավորելու է բարձրաստիճան պատվիրակությունը։ Նա հայտնել է, որ Ադբոլահիանը երկկողմ հանդիպում է ունենալու Ադրբեջանի ԱԳ նախարար Ջեյհուն Բայրամովի հետ։
Քանանին նաև ասել է, որ Թեհրանի և Բաքվի միջև հարաբերությունների մթնոլորտը դրական է այն դիվանագիտական քայլերից հետո, որոնք ձեռնարկվել են։
Հավելենք, որ Ադրբեջան է մեկնել Իրանի ԱԳ փոխնախարար Ռեզա Նաջաֆիի գլխավորած ի պատվիրակությունը՝ մասնակցելու է Չմիավորման շարժման անդամ երկրների ներկայացուցիչների համաժողովին, որը տեղի է ունենալու հուլիսի 3-4-ը։
Ադրբեջանական լրատվամիջոցները հայտնում են, որ Աբդոլահիանը վաղն է մեկնելու Բաքու։
Հավելենք, որ երկու երկրների հարաբերությունները բավական լարված են։ Ադրբեջանի ԱԳՆ-ն իր քաղաքացիներին հորդորել էր Իրան չայցելել։ Վերջերս նաև տեղեկություններ էին տարածվել, որ Իրանում ձերբակալվել է Ադրբեջանի քաղաքացի Ֆարիդ Սաֆարլին՝ լրտեսության մեղադրանքով։ Իր հերթին, Բաքուն շարունակվում է կրոնական տարբեր գործիչների ձերբակալություններն Իրանի օգտին լրտեսություն կատարելու կասկածանքով։ Հունիսի 23-ից էլ Ադրբեջանը դադարեցրել է Իրանի քաղաքացիներին վիզաների տրամադրումն իր օդանավակայաններում։ Բացի այդ ՝ հունվարից ՝Թեհրանում Ադրբեջանի դեսպանատան վրա զինված հարձակումից հետո, Բաքուն փակել է իր դիվանագիտական ներկայացուցչությունը։
Էմմա Չոբանյան
