14.12.2024 | 19:57
Ինչ իրավիճակ է ճանապարհներին 19։35-ի դրությամբ
Հարաբերությունների լարվածության ֆոնին՝ Իրանի ԱԳ փոխնախարարի պատվիրակությունը մեկնել է Բաքու
Քաղաքականություն
03.07.2023 | 12:57
Թեհրանի և Բաքվի հարաբերությունների լարվածության պայմաններում իրանական պատվիրակություն է մեկնում Ադրբեջան։ Մասնավորապես, ադրբեջանական լրատվամիջոցների հաղորդմամբ, Իրանի ԱԳ փոխնախարար Ռեզա Նաջաֆիի գլխավորած իրանական պատվիրակությունը Բաքվում մասնակցելու է Չմիավորման շարժման անդամ երկրների ներկայացուցիչների համաժողովին։
Համաժողովը տեղի է ունենալու հուլիսի 3-4-ը, իսկ հուլիսի 5-6-ը նախանշված է շարժման անդամ պետությունների ԱԳ նախարարների հանդիպումը։
Ըստ տեղեկություների՝ Իրանի ԱԳ նախարար Հոսեյն Ամիր Աբդոլահիանն անձամբ է մասնակցելու Բաքվի հանդիպմանը։
Հավելենք, որ օրերս Ադրբեջանի և Իրանի ԱԳ նախարարները հերթական անգամ հեռախոսազրույց էին ունեցել՝ քննարկելով հարաբերություններում առկա խնդիրների լուծման ուղիները։
Հիշեցնենք, որ Ադրբեջանի ԱԳՆ-ն իր քաղաքացիներին հորդորել էր Իրան չայցելել։ Վերջերս նաև տեղեկություններ էին տարածվել, որ Իրանում ձերբակալվել է Ադրբեջանի քաղաքացի Ֆարիդ Սաֆարլին՝ լրտեսության մեղադրանքով։ Իր հերթին, Բաքուն շարունակվում է կրոնական տարբեր գործիչների ձերբակալություններն Իրանի օգտին լրտեսություն կատարելու կասկածանքով։ Հունիսի 23-ից էլ Ադրբեջանը դադարեցրել է Իրանի քաղաքացիներին վիզաների տրամադրումն իր օդանավակայաններում։
Էմմա Չոբանյան
