15.01.2025 | 14:03
Արտադրողականությունը բարձր է այն երկրներում, որտեղ աշխատաժամանակը կրճատված է. Նարեկ Մկրտչյան․ ՏԵՍԱՆՅՈՒԹ
Բարձրագույն դատական խորհուրդը 1 որոշմամբ 3 դատավորի լիազորություն դադարեցրեց․ ՏԵՍԱՆՅՈՒԹ
Հասարակություն
03.07.2023 | 11:22
Բարձրագույն դատական խորհրդն այսօր կարգապահական գործի վերաբերյալ մեկ որոշմամբ դադարեցրեց միանգամից երեք դատավորի՝ Վերաքննիչ քաղաքացիական դատարանի դատավոր Աստղիկ Խառատյանի, Վճռաբեկ դատարանի քաղաքացիական պալատի դատավորներ Արտակ Բարսեղյանի և Տիգրան Պետրոսյանի լիազորությունները:
Դատավորների նկատմամբ կարգապահական վարույթը հարուցվել էր 14 տարի առաջ կայացված մի որոշման համար, որով Մարդու իրավունքների եվրոպական դատարանը 4 տարի առաջ խախտում էր արձանագրել:
2019-ին «Շոլց ԱԳ» ընկերությունն ընդդեմ Հայաստանի գործով արձանագրվել էր, որ Հայաստանը խախտել է անձի` դատարանի մատչելության իրավունքը: Ըստ գործի` քաղաքացիական դատարանում քնության ենթակա հայցադիմումը, եռաստիճան դատական համակարգի բոլոր ատյաններով անցնելով` վարույթ չի ընդունվել:
Աստղիկ Խառատյանը, Արտակ Բարսեղյանը և Տիգրան Պետրոսյանը եղել են այս գործով դատավորներ:
Պետրոսյանն ու Բարսեղյանը եղել են վճռաբեկ դատարանի դատական կազմի դատավորներ, որոնք ստորագրել են գործը վարույթ չընդունելու որոշման տակ, սակայն այս գործով զեկուցողը մեկ այլ դատավոր Աբելյանն է եղել։
ԲԴԽ նիստի ընթացքում դատավորները անձամբ կամ ներկայացուցչի միջոցով բարձրացրել են մի շարք հարցեր` այդ թվում` իրենց նկատմամբ խտրական մոտեցման, գործը քննող դատարանի կազմում բացարկման ենթակա դատավորի առկայության, անձի վիճակը վատթարացնող նորմի` հետադարձ ուժով կիրառելու անթույլատրելիության և այլնի մասին:
Դատավոր Արշակ Վարդանյանը հատուկ կարծիք է հայտնել․ սա նշանակում է նա համաձայն չէ ԲԴԽ-ի որոշման հետ։
Արաքս Մամուլյան
