07.08.2026 | 19:41
Ինչ է նշանակում եկեղեցին կապ ունի ՖՍԲ-ի հետ, ինչո՞ւ, օրինակ, ոչ ՑՌՈւ-ի կամ MI6-ի. Նաթան սրբազան․ ՏԵՍԱՆՅՈՒԹ
Դալմայի՝ փլուզված ճանապարհահատվածը պիտի վերականգնվի․ խճուղու մեկ գիծը վերականգնվելու է․ Ավինյան․ ՏԵՍԱՆՅՈՒԹ
Տնտեսություն
03.07.2023 | 11:27
Երկու շաբաթ հետո Երևանի քաղաքապետարանը պետք է հայտնի, թե Ծիծեռնակաբերդի խճուղու փլուզված հատվածում երբ է վերականգնվելու երթևեկության երկրորդ շարքը։ Երևանի քաղաքապետարանի գործակարգավարական այսօրվա նիստի ընթացքում այս հանձնարարական տվեց Երևանի փոխքաղաքապետ Տիգրան Ավինյանը։
Երևանի մյուս փոխքաղաքապետ Ստեփան Մաչյանը հայտնեց, որ ճարտարապետական և քաղաքաշինական վարչությունում համապատասխան դիմում կա, որով այդ տարածքում կառուցապատում իրականացնող «Սահակյանշին» ընկերությունը դիմել է հողօգտագործման թույլտվությունների համար, որի հիման վրա կազմվել է քաղաքապետի որոշման նախագիծ։
Ավինյանն արձագանքելով՝ նշելով, որ երևանցիներին հետաքրքրում է, թե երբ է վերականգնվելու երթևեկության երկրորդ գիծը, և չի հետաքրքրում քաղաքային իշխանությունների և կառուցապատողի միջև բանակցությունները։
«Ուզում եմ հստակ շեշտել, որ խճուղու մեկ գիծը վերականգնվելու է և ձևավորվելու է խճուղուն զուգահեռ ևս մեկ ճանապարհ, որը սպասարկելու է այդ հատվածում կառուցված շենքերին, այսինքն՝ կառուցելու ենք ևս երեք գիծ»,- պատասխանեց Մաչյանը։
«Խճուղում մեկ գիծը վերականգնվելու է, երկու շաբաթ հետո ասելու ենք՝ երբ»,- նշեց Ավինայնը։
«Շատ լավ»,- արձագանքեց Մաչյանը։
Մանրամասները՝ տեսանյութում։
