03.10.2026 | 16:58
Մահացել է Անատոլի Կաշպիրովսկին
Հարությունյանը` Բաքվի հետ չբանակցելու պատճառների մասին․ ՀՀ-ն Իրանին է հանձնել 5 դատապարտյալի․ Լուրեր
30.06.2023 | 20:19
- Երկու բան ունենք անելու՝ ինքնապաշտպանություն և դիմադրողականության բարձրացում․ բանակցությունները արդյունք չեն տալիս։ Այս մասին Արցախի խորհրդարանում հայտարարել է նախագահ Արայիկ Հարությունյանը։ Նա նշել է, որ բանակցությունների համար ադրբեջական կողմը միայն մեկ օրակարգ է բերում՝ Ադրբեջանի կազմում ինտեգրացիան։ Այդ պատճառով էլ բանակցությունները արդյունք չեն տալիս։ Ըստ Հարությունյանի՝ նույն օրակարգը Բաքուն առաջ է մղում ՄԱԿ-ում, նույնը՝ երեկ և այսօր՝ Բլինկեն-Միրզոյան-Բայրամով հանդիպման ժամանակ։
- Ըստ Հարությունյանի՝ ադրբեջանական կողմը պահանջում է առաջին հերթին լուծարել պաշտպանության բանակը և պետական համակարգը, ինչից հետո կբացեն գազի ու էլեկտրաէներգիայի մատակարարումը, կբացեն ճանապարհը։ Ընդ որում՝ այդ դեպքում էլ Արցախի բնակչությունը պետք է ստանա Ադրբեջանի քաղաքացիություն։
- Հարությունյանը նշել է նաև այն մասին, որ Արցախը կկարողանար ինքն իրեն ապահովել սննդամթերքով, բայց երաշտի պատճառով պարենամթերքի 50 տոկոսից ավելին կորսվել է։ Հարությունյանը նաև նշել է, որ չգիտի՝ ինչպես է անցնելու ձմեռը, քանի որ չգիտի՝ կկարողանան հեղուկ գազ հասցնել Արցախ, թե ոչ։
- Արդարադատության նախարար Գրիգոր Մինասյանն այսօր ընդունել է Հայաստանում Իրանի դեսպան Աբբաս Բադախշան Զոհուրիին, ով իր դիվանագիտական առաքելությունն է ավարտում Հայաստանում։ Նախարարը նշել է, որ վերջին շրջանում Հայաստանում դատապարտված 16 Իրանի քաղաքացիներից 5-ն օրերս փոխանցվել են Իրան՝ պատժի մնացած մասն իրենց երկրում կրելու նպատակով, և գոհունակություն է հայտնել դատապարտյալների փոխացման ոլորտում շարունակական արդյունավետ համագործակցության համար:
Այս ժամի լուրերը՝ տեսանյութում։
