24.06.2026 | 23:13
Վստահ եմ, որ ամուր գործընկերությունը կշարունակի զարգանալ. ՊԵԿ նախագահը՝ ՎԶԵԲ ներկայացուցիչներին
ԱԳՆ-ն՝ Բաքվի հետ չհամաձայնեցված հարցերի մասին․ ՀՀ ժամանած ուղևորի մարմնում 1 կգ կոկաին է եղել․ Լուրեր
Քաղաքականություն
30.06.2023 | 18:05
- ՀՀ ԱԳՆ մամուլի խոսնակ Անի Բադալյանն այսօր հայտնել է, թե հայ-ադրբեջանական բանակցություններում առանցքային որ հարցերի շուրջ դիրքորոշումներն են պահանջում հետագա աշխատանք: Նրա խոսքով՝ հարցերից մեկը վերաբերում է սահմանազատման հարցերին, որը ենթադրում է 1975 թվականի քարտեզի շուրջ հանձնառությունը: Մյուսը վերաբերում է հայ-ադրբեջանական սահմանից զորքերի հետքաշմանը: Հարցերից մեկն էլ վերաբերում է Լեռնային Ղարաբաղի ժողովրդի իրավունքների և անվտանգության հարցերի պատշաճ հասցեագրմանը` միջազգային մեխանիզմի ներքո։
- Բրազիլիայից Հայաստան ժամանած ուղևորի մարմնից հանվել է 300 հազար ԱՄՆ դոլար արժողությամբ կոկաին։ Բժշկական կենտրոնում իրականացված համակարգչային շերտագրման` սկանավորման արդյունքում պարզվել է, որ նրա հաստ աղիքի հատվածում առկա են գնդաձև օտար մարմիններ, որոնք վերջինիս մարմնից դուրս են բերվել բժշկական տարբեր միջամտությունների արդյունքում: Հայտնաբերվել է «կոկաին» տեսակի թմրամիջոցին նմանվող 120 հատ օվալաձև պարկուճ՝ 1216 գրամ ընդհանուր զանգվածով։
- Ֆրանսիայի նախագահ Էմանուել Մակրոնը միջգերատեսչական ճգնաժամային խմբի նիստ կանցկացնի՝ ոստիկանների կողմից դեռահասի սպանությունից հետո երկրում տիրող անկարգությունների հետ կապված։ Այն անցկացնելու համար Մակրոնը պետք է ընդհատի իր այցը Բրյուսել, ուր նա ժամանել է նախօրեին՝ մասնակցելու ԵՄ գագաթնաժողովին։
Այս ժամի լուրերը՝ տեսանյութում։
