12.03.2026 | 17:45
Օլիգարխներին ու նախկիններին ժողովուրդը հունիսի 7-ին պետք է ուղարկի գրողի ծոցը․ Ավինյան․ ՏԵՍԱՆՅՈՒԹ
Հայտնի է, թե որ առանցքային հարցերի շուրջ են շարունակելու աշխատել ՀՀ և Ադրբեջանի ԱԳ նախարարները
Քաղաքականություն
30.06.2023 | 13:33
ՀՀ ԱԳՆ մամուլի խոսնակ Անի Բադալյանն այսօր լրագրողների հետ զրույցում հայտնել է, թե հայ-ադրբեջանական բանակցություններում առանցքային որ հարցերի շուրջ դիրքորոշումներն են պահանջում հետագա աշխատանք:
«Հարցերից մեկը վերաբերում է սահմանազատման հարցերին, որը ենթադրում է 1975 թվականի քարտեզի շուրջ հանձնառությունը: Մյուսը՝ հայ-ադրբեջանական սահմանից զորքերի հետքաշմանը: Հարցերից մեկն էլ վերաբերում է Լեռնային Ղարաբաղի ժողովրդի իրավունքների և անվտանգության հարցերի պատշաճ հասցեագրմանը` միջազգային մեխանիզմի ներքո»,- Բադալյանի խոսքերն է մեջբերում «Արմենպրես»-ը։
Հիշեցնենք՝ ԱՄՆ-ում երեկ ավարտվել են Հայաստանի ԱԳ նախարար Արարատ Միրզոյանի և Ադրբեջանի ԱԳ նախարար Ջեյհուն Բայրամովի բանակցությունները, որոնք մեկնարկել էին հունիսի 27-ին Վիրջինիա նահանգի Արլինգթոն քաղաքի Ջորջ Շուլցի արտաքին գործերի ազգային ուսումնական կենտրոնում:
Ըստ ՀՀ ԱԳՆ-ի պաշտոնական հաղորդագրության նախարարներն ու նրանց թիմերը շարունակել են առաջընթացը «Խաղաղության և միջպետական հարաբերությունների հաստատման մասին» երկկողմ համաձայնագրի նախագծի շուրջ: Նրանք համաձայնության են հասել համաձայնագրի նախագծի ևս մի քանի հոդվածների շուրջ և գրանցել փոխըմբռնման առաջընթաց՝ միևնույն ժամանակ արձանագրելով, որ մի քանի առանցքային հարցերի շուրջ դիրքորոշումները պահանջում են հետագա աշխատանք: Երկու նախարարներն իրենց գնահատանքն են հայտնել ամերիկյան կողմին Հայաստանի և Ադրբեջանի միջև բանակցությունները հյուրընկալելու համար և հայտնել բանակցությունները շարունակելու իրենց հանձնառությունը:
