23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Ադրբեջանն արգելում է Հայաստան տեղափոխել երկու զինվորների մարմինները․ Արցախի ՄԻՊ
Քաղաքականություն
29.06.2023 | 18:55
Արցախա-ադրբեջանական շփման գծում ադրբեջանական հերթական սադրանքի հետևանքով զոհված երկու զինծառայողների մարմիններն Ադրբեջանն արգելում է Հայաստան տեղափոխել։ Այս մասին Factor.am-ին հայտնեց Արցախի մարդու իրավունքների պաշտպան Գեղամ Ստեփանյանը։
Ըստ Ստեփանյանի՝ ժամկետայիններից մեկը 20-ամյա Սամվել Թորոսյանն է, որը Ստեփանակերտի բնակիչ է, իսկ ծնողները ցանկանում են նրան Եռաբլուրում հուղարկավորել։ Մյուս զինծառայողը՝ 20-ամյա Երվանդ Թադևոսյանը՝ Քաշաթաղի նախկին բնակիչ է, որի հարազատները պատերազմից հետո Հայաստանում են բնակվում։
Արցախի օմբուդսմենը հերքեց ադրբեջանական կողմի պնդումները, թե զոհված երկու զինծառայողները Հայաստանի զինված ուժերից են, ու դրանք որակեց «հերթական մանիպուլյացիա»։ Արցախի ՄԻՊ-ի խոսքով՝ զինվորների մարմինները Հայաստան տեղափոխելու համար արցախյան կողմը փորձել է հարցը լուծել ռուս խաղաղապահների միջնորդությամբ, սակայն դեռ չի հաջողվում։
Հիշեցնենք, որ հունիսի 28-ին՝ ժամը 01:30-ից, Ադրբեջանի ԶՈՒ ստորաբաժանումները հրետանային միջոցներից կրակ են բացել Մարտունու և Մարտակերտի հայկական դիրքերի ուղղությամբ` կիրառելով նաև ԱԹՍ-ներ, որի հետևանքով հայկական կողմում 4 զինծառայող է զոհվել։ Ադրբեջանական հերթական սադրանքի հետևանքով զոհված ՊԲ զինծառայողներն են՝ Արմո Աբգարյանը, Սամվել Թորոսյանը, Երվանդ Թադևոսյանը, Գագիկ Բալայանը:
