04.06.2026 | 14:03
Իսրայելի պաշտպանության նախարարը հայտարարել է Լիբանանում գործողությունները շարունակելու մասին՝ չնայած հրադադարի համաձայնագրին
Պետդեպը` Միրզոյան-Բայրամով հանդիպման շարունակման մասին. ԵՄ-ն դատապարտեց Բաքվի դեսպանի խոսքերը.Լուրեր
Քաղաքականություն
29.06.2023 | 15:51
- ԱՄՆ Պետքարտուղության փոխխոսնակ Վեդանտ Պատելը նախօրեի ճեպազրույցում անդրադարձել է նաև Միացյալ Նահանգներում ընթացող Հայաստան-Ադրբեջան բանակցություններին։ Պատասխանելով հարցին՝ արդյո՞ք բանակցությունները կասեցված են, թե շարունակվում են նախատեսվածի պես, քանի որ ադրբեջանական հարվածի հետևանքով 4 զինծառայող է զոհվել ԼՂ-ում, Պատելն ասել է, որ փոփոխություններ չկան։
- Amnesty International-ը կոչ է անում Ադրբեջանին՝ վերացնել Արցախի շրջափակումը։ Նշվում է, որ հունիսի 26-ից Կարմիր խաչին թույլատրվել է վերսկսել ծանր հիվանդների տարհանումը։ Այնուամենայնիվ, հիվանդանոցները դեղերի և բժշկական պարագաների սուր պակաս ունեն։
- Հայաստանում տեղակայված ԵՄ քաղաքացիական դիտորդական առաքելությունը թվիթերյան գրառմամբ հայտնել է, որ ամեն օր պարեկություն են իրականացնում Հայաստան-Ադրբեջան սահմանի երկայնքով՝ Հայաստանի տարածքում, ներառյալ Լաչինի միջանցքի մուտքի մոտ՝ Բրյուսելին զեկուցելու ռազմական և անվտանգության ոլորտում նոր զարգացումների մասին
- ԵՄ-ն դատապարտել է Բելգիայում և Լյուքսեմբուրգում Ադրբեջանի դեսպան Վագիֆ Սադիգովի կողմից Եվրախորհրդարանի պատգամավորներին ուղղված սպառնալիքները։ Սադիգովը, որը նաև ԵՄ-ում Ադրբեջանի ներկայացուցիչն է, Թվիթերում սպառնացել էր, թե կարող են ավտոմատներով թիրախավորել ԵՄ ներկայացուցիչներին, որոնք հայկական կողմից դիտարկում են սահմանը։
Այս ժամի լուրերը՝ տեսանյութում։
