10.01.2025 | 23:14
ՊԵԿ նախագահն ընդունել է Հնդկաստանի դեսպանին
Փաշինյանը պատժվողների առաջին շարքում պետք է լինի․ Տիգրան Աբրահամյան
Քաղաքականություն
28.06.2023 | 18:00
44-օրյա պատերազմի ընթացքում Հայաստանի Զինված ուժերում եղել են զինատեսակներ, որոնք բանակը չի կարողացել լիարժեք օգտագորել։ Այս տեղեկությունը պատերազմի հանգամանքներն ուսումնասիրող քննիչ հանձնաժողովում երեկ հայտարարեց ՀՀ վարչապետ Նիկոլ Փաշինյանը։ Նա չհերքեց, որ խոսքը հատուկ հրթիռների մասին է։
ՀՀ ԱԺ «Պատիվ ունեմ» խմբակցության քարտուղար Տիգրան Աբրահամյանը չի կարծում, որ Նիկոլ Փաշինյանի հայտնած այս տեղեկությունը համապատասխանում է իրականությանը։
«Ես չեմ կարծում, որ այդ տեղեկությունը համապատասխանում է իրականությանը, բայց եթե քո ժողովրդին կոտորում են, քո տարածքային ամբողջականությանը սպառնում են, ապա ես չեմ կարծում, որ կարող է լինել որևէ կաշկանդող հանգամանք, այդ թվում՝ փաստաթուղթ, որ պետությունը քայլերի չդիմի և չկիրառի այդ զինատեսակը»,- ասաց Տիգրան Աբրահամյանը։
Նրա խոսքով՝ «Իսկանդեր»-ի ձեռքբերման փաստաթղթերում կարող էր լինել պայման, որ երրորդ երկրին չի վաճառվելու կամ չի կիրառվելու չորրորդ երկրի դեմ, սակայն, ըստ Աբրահամյանի, Ադրբեջանի հետ կոնֆլիկտի ժամանակ սահմանափակումներ չէին կարող լինել։
«Եթե նրանք ակնարկում են «Իսկանդեր»-ի մասին, ապա ժամանակին Սերժ Սարգսյանն ասում էր՝ աչք չեմ թարթի, «Իսկանդեր»-ը կօգտագործենք, դրանից հետո չեղավ քաղաքական հետևանք Ռուսաստանից»,- ասաց նա։
Մանրամասները՝ տեսանյութում։
Նարեկ Կիրակոսյան
