25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
ԱՄՆ Պետդեպը՝ Հայաստան-Ադրբեջան հանդիպումը հյուընկալելու մասին
Քաղաքականություն
28.06.2023 | 11:21
ԱՄՆ Պետքարտուղարության խոսնակ Մեթյու Միլլերը նախօրեի ճեպազրույցում անդրադարձել է Միացյալ Նահանգներում մեկնարկած Հայաստան-Ադրբեջան բանակցությունների հերթական փուլին։
«Միացյալ Նահանգներն ուրախ է հյուրընկալել Հայաստանի արտաքին գործերի նախարար Միրզոյանին և Ադրբեջանի արտգործնախարար Բայրամովին այս շաբաթ, բանակցություններին աջակցելու համար, քանի որ նրանք շարունակում են հետամուտ լինել Հարավային Կովկասի տարածաշրջանի խաղաղ ապագային: Պետքարտուղար Բլինքենը պատիվ է ունեցել ողջունել արտգործնախարարներին այսօր առավոտյան Ջորջ Շուլցի արտաքին գործերի ազգային ուսումնական կենտրոնում հանդիպումների բացմանը: Քարտուղարը երկուսին էլ առանձին-առանձին հանդիպել է, և երկուսի հետ միասին, յուրաքանչյուր հանդիպման ժամանակ ընդգծել է, որ ուղիղ երկխոսությունը խնդիրների լուծման և տևական ու արժանապատիվ խաղաղության հասնելու բանալին է»,-ասել է Միլլերը։
Նա նշել է, որ ԱՄՆ-ն ոգեշնչված է Հայաստանի և Ադրբեջանի վերջին ջանքերով՝ «արդյունավետորեն ներգրավվել խաղաղ գործընթացում և կշարունակեն օգնել կողմերին ամեն կերպ, ինչով կարող են՝ այդ թափը զարգացնելու համար»:
Պետքարտուղարության խոսնակը նշել է, որ հանդիպումները շարունակվելու են մինչև հինգշաբթի։
