15.09.2026 | 15:10
Միրզոյան-Բայրամով նոր հանդիպում է նախատեսվում // ԲՀԿ-ն կշարունակի քաղաքական գործունեությունը․ ԼՈՒՐԵՐ
ՀՀ բնակչության 11%-ը ալկոհոլ է օգտագործել Կովիդ-19-ի կանխարգելման նպատակով
Քաղաքականություն
27.06.2023 | 21:24
Կովիդ-19-ի կանխարգելման նպատակով ալկոհոլ է օգտագործել Հայաստանի բնակչության 11.0%-ը։ Այս մասին Factor.am-ը տեղեկանում է Առողջապահության ազգային ինստիտուտի հրապարակած տվյալներից։
Այդ անձանց քանակը հարաբերականորեն ավելի մեծ է գյուղերում (14.0%), տղամարդկանց շրջանում (12.2%), 50-64 տարիքային խմբի շրջանում (17.5%), միջնակարգից ցածր կրթամակարդակով անձանց շրջանում (17.3%)։
Հիշեցնենք, որ վարչապետ Նիկոլ Փաշինյանը, 2020 թվականին նախընտրական քարոզարշավի ժամանակ ելույթ ունենալիս քաղաքացուն անքաղաքավարի վերաբերմունք ցուցաբերած պետական աշխատողին համեմատել էր կորոնավիրուսի հետ ու նշել, որ «նրանց պետք է պինցետով հանել, տնական արաղով դեզինֆեկցիա անել»։
«Պատկերացնո՞ւմ եք՝ վարչապետին ենթակա մարմնի աշխատողը քաղաքացուն ասում է՝ լավ, ինչ ես եկել ստեղ, գնա քո երկիրը, կամ ինչի՞ց ես դժգոհում, գնա Նիկոլին ասա, Նիկոլը խաբել ա ձեզ, եկել ես ստեղ, ի՞նչ անես։ Դուք պատկերացնո՞ւմ եք։ Կորոնավիրուսը չի վտանգավոր, այ կորոնավիրուսը դրանք են իսկական,որ մինչև հիմա մեր պետական համակարգի օրգանիզմը քայքայում են։ Ու էդ կորոնավիրուսներին իրար հետ հատիկ-հատիկ պինցետով հանելու ենք, տնական արաղով դեզինֆեկցիա անենք և ուղարկենք իրենց գործերին»,- մասնավորապես ասել էր վարչապետը։
Վարչապետի այս հայտարարությունը բուռն քննադատության էր արժանացել ու բազմաթիվ շահարկումների առիթ դարձել։ Շատերը պնդում էին, որ նա բնակչությանը սխալ տեղեկություններ է հաղորդել վիրուսի դեմ պայքարի հարցում։ Վիճակագրությունը, փաստորեն,հաստատում է, որ օղիով կորոնավիրուսի դեմ պայքարողների թիվը փոքր չի եղել։
Անժելա Պողոսյան
