«Հայաստանը ճանապարհ է ցույց տալիս՝ ինչպես ազատվել քաոսի համակարգի ճիրաններից»․Աշոտ Մանուչարյան․ ՏԵՍԱՆՅՈՒԹ

Մեր տարածաշրջանում այլևս արցախյան կոնֆլիկտ՝ Ադրբեջանի և Հայաստանի միջև չկա,  և սխալ է խոսել ներքին և արտաքին խնդիրների մասին առանձին-առանձին, քանի որ դրանք պետք է դիտարկել տարածաշրջանային զարգացումների ֆոնին:

«Ո՛չ Հայաստանը, ո՛չ Ադրբեջանը չեն կարող ինքնուրույն որոշումներ կայացնել այդ խնդիրների վերաբերյալ, իսկ որոշումները կայացնում են լրիվ այլ ուժեր։ Կան քաոս սփռող ուժեր, որոնք քաոսը սփռելու միջոցով փորձում են պայքարել աշխարհակարգի դեմ, բայց ստեղծվել է համաշխարհային հակաքաոսային կոալիցիա, որն ավելի ու ավելի մեծ հզորություն է հավաքում և իր առաջին հաղթանակն է տոնելու Սիրիայում»,- այս մասին այսօր լրագրողների հետ հանդիպման ժամանակ ասաց «Ղարաբաղ» կոմիտեի անդամ Աշոտ Մանուչարյանը։ 

Վերջինս նշեց, որ որ այդ կոալիցիայի մեջ են մտնում ԱՄՆ-ը, Չինաստանը, Ռուսաստանը, իսկ նորացող Հայաստանը նրանց դաշնակիցն է և, հետևաբար, օբյեկտիվորեն գտնվում է հակաքաոսային կոալիցիայի մեջ: «Քաոսի կոալիցիան փորձում էր Սիրիան դարձնել մի տեղ, որտեղ բոլորը բախվելու են, սակայն, այժմ Սիրիան հանդարտվում է, և այս գործընթացում արդեն հնչել են առաջարկներ, որ հայությունն իր վրա վերցնի Սիրիան վերականգնելու գործառույթներից մեկը»,- ասաց «Ղարաբաղ» կոմիտեի անդամը։ 

Խոսելով նոր իշխանության ձեռնարկած քայլերի մասին՝ Աշոտ Մանուչարյանը նկատեց․ «Հայաստանը ճանապարհ է ցույց տալիս՝ ինչպես ազատվել քաոսի համակարգի ճիրաններից»։

Մանրամասները՝ տեսանյութում։