15.07.2026 | 10:40
«88» առևտրային օբյեկտում մեկ օրում արձանագրվել է 33 իրավախախտում
Ալեն Սիմոնյանը՝ «Վագների» խռովության, Պապիկյանը՝ կանանց կամավոր զինծառայության մասին․ Լուրեր
Քաղաքականություն
26.06.2023 | 16:00
- ԱԺ նախագահ Ալեն Սիմոնյանը այսօր հայտարարել է, թե Ադրբեջանի նախագահ Իլհամ Ալիևը փակ հանդիպումների ժամանակ ասել է, որ ճանաչում է Հայաստանի տարածքային ամբողջականությունը։ Մեկնաբանելով Ռուսաստանում Վագների խմբավորման կազմակերպած խռովությունը, նա հայտարարել է, որ Ռուսաստանում տեղի ունեցող իրադարձությունները իրենց ներքին գործն են, թեև դրանք տարածաշրջանի վրա բացասական ազդեցություն են ունենալու։
- Խորհրդարանում լեզվակռվից, միմյանց «սրիկա» անվանելուց և ընդմիջումից վերադառնալուց հետո պատգամավորները շարունակել են միմյանց մեղադրանքները, թե ով ում հոգեհանգստին ներկա չի եղել։ Իշխանական պատգամավորները ընդդիմությանը մեղադրում են ՔՊ պատգամավոր Վիգեն Խաչատրյանի հոգեհանգստին չգնալու մեջ։ ՔՊ-ից Հայկ Կոնջորյանը ասել է, թե եթե ընդդիմադիրները լինեին Վիգեն Խաչատրյանի փոխարեն, Խաչատրյանը նրանց հոգեհանգստին կգնար։ Հայաստան խմբակցությունից Արծվիկ Մինասյանն էլ իշխանականներին հիշեցնում է, որ նրանք էլ չեն մասնակցել Մանվել Գրիգորյանի հուղարկավորությանն ու հոգեհանգստին, Վիգեն Ստեփանյանի, Արմեն Գրիգորյանի, պատմաբան Արտակ Մովսիսյանի հոգեհանգստին:
- Պաշտպանության նախարար Սուրեն Պապիկյանը մասնակցել է ԱԺ նիստին և հայտարարել է, որ կանանց կամավոր զինվորական ծառայության համակարգ է ներդրվում, և ներկայացրել է մանրամասները։
Այս ժամի լուրերը՝ տեսանյութում։
