15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Մենք պետք է միաժամանակ տարբեր միջազգային կազմակերպություններում ճնշումը մեծացնենք. Ռուբեն Ռուբինյան․ ՏԵՍԱՆՅՈՒԹ
Քաղաքականություն
26.06.2023 | 15:23
Միջազգային կառույցների կողմից ընդունվող բանաձևերը և դատական որոշումները պետք է դիտարկել միահյուսված, քանի որ ոչ մի առանձին բանաձևով հնարավոր չէ լուծել խնդիրը։ Այս մասին ԵԽԽՎ–ում ՀՀ ԱԺ պատվիրակության մամուլի ասուլիսում հայտարարեց ԱԺ փոխնախագահ, արտաքին հարաբերությունների մշտական հանձնաժողովի նախագահ Ռուբեն Ռուբինյանը։
ԱԺ փոխնախագահի դիտարկմամբ՝ ԵԽԽՎ–ում ընդունված փաստաթուղթը Ադրբեջանի վրա ճնշում գործադրելու ևս մեկ լծակ է տվել։
«Մենք պետք է միաժամանակ տարբեր միջազգային կազմակերպություններում ճնշումը մեծացնենք։ Այս բանաձևը կարող է օգտագործել նաև դատական գործընթացներում, որոնք կան, և այսպես շարունակ» ,- նշեց Ռուբինյանը՝ ընդգծելով, որ կարճաժամկետ հեռանկարում դժվար է ասել, թե Եվրոպայի խորհրդի խորհրդարանական վեհաժողովի՝ Լաչինի միջանցքի վերաբերյալ բանաձևն ինչ օգուտ կբերի, բայց երակարաժամկետ հեռանկարում այն ավելացնում է հայկական կողմի գործիքակազմը։
Ռուբինյանի խոսքով՝ փաստաթղթի քննարկումների ժամանակ որոշ խորհրդարանականներ արդեն իսկ հարց են հնչեցրել, թե արդյոք Ադրբեջանը կարող է այս ամենից հետո շարունակել անդամակցությունը ԵԽ–ին։
Հիշեցնենք, որ ԵԽԽՎ–ն հունիսի 22-ին քվեարկությամբ ընդունել է «Լաչինի միջանցքով ազատ ու անվտանգ մուտքի ապահովումը» բանաձևը, որում հստակ ասվում է, թե Լաչինի միջանցքով չկա ազատ և անվտանգ տեղաշարժ։
Մանրամասները՝ տեսանյութում։
