24.06.2026 | 21:29
Կալիֆոռնիայի հյուսիսում 5.6 մագնիտուդով երկրաշարժ է գրանցվել
ԱԺ-ում պատգամավորները «սրիկա» են անվանել իրար․ Միրզոյանը և Բայրամովը մեկնել են ԱՄՆ․ Լուրեր
Քաղաքականություն
26.06.2023 | 14:30
- Ազգային ժողովում հերթական լեզվակռիվն է եղել իշխող և ընդդիմադիր կուսակցությունների պատգամավորների միջև։ Կողմերը իրարից նախ հարգանք են պահանջել, ապա իրար «սրիկա» են անվանել, ինչից հետո նիստը նախագահողը ընդմիջում է հայտարարել։
- Արցախի պաշտպանության բանակից հայտնել են, որ հունիսի 25-ի ժամը 12:40-ից հունիսի 26-ի ժամը 01։00-ն ընկած ժամանակահատվածում Ադրբեջանի ԶՈւ-ն Մարտունու, Ասկերանի, Շուշիի և Մարտակերտի շրջանների ուղղությամբ խախտել է հրադադարը` կիրառելով հրաձգային զենք։ Հունիսի 25-ի ժամը 17։30-ի սահմաններում ադրբեջանական ստորաբաժանումները հրաձգային զենքից կրակ են բացել Ավդուռ համայնքի դաշտերում գյուղատնտեսական աշխատանքներ կատարող տրակտորի ուղղությամբ։ Հայկական կողմը կորուստներ չունի։ Հրադադարի խախտման մասին հաղորդվել է ՌԴ խաղաղապահ զորակազմի հրամանատարությանը։
- Հայաստանի և Ադրբեջանի ԱԳ նախարարներ Արարատ Միրզոյանը և Ջեյհուն Բայրամոը մեկնել են ԱՄՆ՝ բանակցությունների համար։ Ամերիկյան կողմը հայտնել է, որ բանակցությունները կարող են տևել մինչև հունիսի 29-ը։
Այս ժամի լուրերը՝ տեսանյութում։
