18.12.2025 | 22:20
Վթար Ներքին Դվին գյուղում․ կան տուժածներ
Մոսկվայում չեղարկվել է «հակաահաբեկչական գործողության ռեժիմը»
Քաղաքականություն
26.06.2023 | 11:05
Մոսկվայում, Մոսկվայի մարզում և Վորոնեժի մարզում չեղարկվել է «հակաահաբեկչական գործողության ռեժիմը։ Այս մասին BBC-ի փոխանցմամբ հայտնել է ԱԴԾ-ն։
Ռուսաստանի երեք շրջաններում ռեժիմը սահմանվել էր Դոնի Ռոստովի և Մոսկվայի դեմ «Վագներ» ռազմականացված խմբավորման ղեկավար Եվգենի Պրիգոժինի արշավի կապակցությամբ, որի առնչությամբ գործ է հարուցվել զինված ապստամբություն նախապատրաստելու հատկանիշներով։
Մերձմոսկովյան շրջանում արգելափակվել էին Օկայի վրայով անցնող երեք կամուրջները, Մոսկվայի մուտքերի մոտ ավազե պարկերով արգելապատնեշներ էին կառուցվել, զրահափոխադրիչներ էին կանգնեցվել։
Քաղաքապետ Սոբյանինը երկուշաբթի օրը Մոսկվայում հանգստյան օր էր հայտարարել նախքան հայտնի դառնալը, որ Պրիգոժինը համաձայնվել է իշխանությունների հետ գործարքի, իր վարձկաններին վերադարձրել է ճամբարներ, իսկ ինքը պետք է մեկնի Բելառուս։ Թե որտեղ է այժմ Պրիգոժինը, անհայտ է:
«Մենք վերացնում ենք հակաահաբեկչական գործողության ռեժիմի ներդրման հետ կապված բոլոր սահմանափակումները»,- գրել է Սոբյանինը Telegram-ի իր ալիքում։ Դպրոցներում ավարտական հանդիսությունները, որոնք պետք է տեղի ունենային այս շաբաթավերջին, տեղի կունենան հուլիսի 1-ին։
