06.08.2026 | 15:39
Նոր քրեական գործ՝ Ծառուկյանի ու Առուստամյանի նկատմամբ․ ըստ ՔԿ-ի, 2,5 մլն դոլարի գույք է հափշտակվել
Երևանի քրեական դատարանի դատավորները ԲԴԽ դատավոր անդամի ընտրությանը մասնակցելու վերաբերյալ չեն ծանուցվելու
Հասարակություն
23.06.2023 | 15:05
Դատական դեպարտամենտը ԲԴԽ դատավոր անդամի ընտրության համար ծանուցելու է միայն Հայաստանի մարզերի ընդհանուր իրավասության դատարանի դատավորներին, իսկ Երևանի քրեական դատարանի դատավորները չեն ծանուցվելու։ Այս մասին տեղեկությունը Factor.am-ի հետ զրույցում հաստատեց Բարձրագույն դատական խորհրդի մամուլի խոսնակ Լիլիթ Շաբոյանը։ Դատական դեպարտամենտը նման որոշումը բացատրում է հավասարության սկզբունքի պահպանմամբ՝ նշելով, որ ԲԴԽ-ում պետք է ապահովել մարզերից դատավորի ներկայացվածությունը։
Նշենք, որ սա առաջին անգամը չէ, երբ Բարձրագույն դատական խորհրդի դատավոր անդամի թեկնածուհի համար ներկայացված պահանջերին համասպատասխանող Երևանի քրեական դատարանի դատավորները ծանուցագիր չեն ստանում ԲԴԽ դատավոր անդամի ընտրությանը մասնակցելու վերաբերյալ։
Նախորդ՝ ապրիլի 7-ին հրավիրված ժողովի ժամանակ էլ Դատական դեպարտամենտը միայն Սնանկության դատարանի դատավորներին էր առաջարկություն ներկայացրել՝ կրկին նույն պատճառաբանությամբ, որ պետք է ապահովել Սնանկության դատարանի դատավորի ներկայությունը ԲԴԽ-ում։
Նշենք, որ ԲԴԽ-ում դատավոր անդամի թափուր տեղ է առաջացել, քանի որ խորհրդի անդամ Մեսրոպ Մակյանը հունվարի 16-ին հրաժարականի դիմում է ներկայացրել։ Մակյանը դատավոր անդամ էր ընտրվել որպես Երևանի քրեական դատավոր, բայց հետագայում տեղափոխվել էր Վերաքննիչ դատարան։
Արաքս Մամուլյան
