05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Ադրբեջանը ցանկանում է Լեռնային Ղարաբաղում հասնել էթնիկ զտման. կիպրոսցի պատգամավորի ելույթը ԵԽԽՎ-ում․ ՏԵՍԱՆՅՈՒԹ
Քաղաքականություն
22.06.2023 | 22:02
ԵԽԽՎ-ում Կիպրոսից պատգամավոր Քրիստիանա Էրոտոկրիտուն Լաչինի միջանցքով ազատ և ապահով մուտքի ապահովման հարցի քննարկման ժամանակ խոսել է Փոլ Գավանի ներկայացրած զեկույցի մասին։
Ըստ նրա՝ անընդունելի է, որ կառույցի անդամ երկրներից մեկը թույլ չի տալիս զեկուցողին այցելել տարածաշրջան։ Պատգամավորը նշել է, որ այստեղ են՝ պաշտպանելու մարդու իրավունքները, ժողովրդավարությունը, օրենքի գերակայությունը։
Էրոտոկրիտուն խոսել է Արցախում ծանր հումանիտար իրավիճակից, հատկապես այն փաստից, որ Արցախում երեխաները զրկված են բժշկական օգնության հնարավորությունից։ Նա ահազանգել է սննդի, հիգիենայի պարագաների, բժկական օգնության բացակայության, կրթության իրավունքի խախտման մասին։
«Այս ամենի նպատակը պարզ է, որ Լեռնային Ղարաբաղում ապրող հայերը լքեն իրենց տները՝ ենթարկվելով էթնիկ զտման։ Եվրոպայի խորհուրդն ու նրա անդամները պետք է բոլոր միջոցներն օգտագործեն, որ այն, ինչի համար Ադրբեջանը միացել է կառույցին, իրագործվի․ մարդու իրավունքներ, ժողովրդավարություն, օրենքի գերակայություն՝ այս ամենը պետք է հարգվի»,- հայտարարել է կիպրոսցի պատգամավորը։
Մանրամասները՝ տեսանյութում։
Էմմա Չոբանյան
